અનંત-રાધિકાના શાહી લગ્નમાં અપાઈ રહી છે મોંઘીદાટ રિટર્ન ગિફ્ટ, VVIPને કરોડોની ઘડિયાળ, ઝરી-ચાંદીની વસ્તુઓ
ભારતના અગ્રણી ઉદ્યોગપતિ અને રિલાયન્સ ઈન્ડસ્ટ્રીઝના ચેરમેન
ભારતના અગ્રણી ઉદ્યોગપતિ અને રિલાયન્સ ઈન્ડસ્ટ્રીઝના ચેરમેન મુકેશ અંબાણીના નાના દીકરા અનંત અંબાણી શુક્રવારે, 12 જુલાઈએ તેની મંગેતર રાધિકા મર્ચન્ટ સાથે લગ્ન કરવા જઈ રહ્યા છે. આ શાહી લગ્ન મુંબઈના બાંદ્રા કુર્લા કોમ્પ્લેક્સમાં આવેલા Jio વર્લ્ડ સેન્ટરમાં યોજાશે, જેમાં દેશ અને દુનિયાના ઘણા દિગ્ગજ સ્ટાર્સ, બિઝનેસ ટાયકૂન્સ, ફિલ્મ સ્ટાર્સ અને સ્પોર્ટ્સપર્સન હાજરી આપવાના છે. લગ્નના નવા અપડેટ્સ સામે આવી રહ્યા છે જેમાં ધાર્મિક વિધિઓથી લઈને ભવ્ય આયોજન સુધીની તમામ બાબતો જાણવા મળી રહી છે.
VVIP મહેમાનોને મળશે કરોડોની રિટર્ન ગિફ્ટ
12મી જુલાઈના રોજ યોજાનાર શાહી લગ્નમાં હાજરી આપનાર ખાસ મહેમાનો એટલે કે VVIPને કરોડો રૂપિયાની રિટર્ન ગિફ્ટ આપવામાં આવશે. મીડિયા રિપોર્ટ્સ અનુસાર, અંબાણી પરિવાર આ લગ્નમાં હાજર રહેલા VVIP મહેમાનોને રિટર્ન ગિફ્ટ તરીકે કરોડો રૂપિયાની ઘડિયાળો આપી રહ્યો છે.
મહેમાનોને મળશે ડિઝાઇનર સાડીઓ
કેટલાક મહેમાનોને કાશ્મીર, બનારસ અને રાજકોટમાં ખાસ ડિઝાઇન કરેલી રિટર્ન ગિફ્ટ આપવામાં આવશે. આ સાથે અંબાણી પરિવાર મહિલા મહેમાનો માટે ખાસ બાંધણીના દુપટ્ટા અને સાડી ડિઝાઇન કરાવી છે. તેની જવાબદારી વિમલ મજીઠિયાને આપી દેવામાં આવી છે. ખાસ વાત એ છે કે, દરેક દુપટ્ટાની ડિઝાઈન અલગ-અલગ રીતે કરવામાં આવી છે. મીડિયા રિપોર્ટ્સ અનુસાર, લગ્ન પહેલા વિમલ મજીઠિયાની ટીમે કુલ 876 સાડીઓ અને દુપટ્ટા તૈયાર કરીને મોકલ્યા છે. આ ઉપરાંત લગ્નમાં આવનાર મહેમાનોને બનારસની ખાસ જરીવાળી સાડી અને ફેબ્રિક બેગ પણ રિટર્ન ગિફ્ટ તરીકે આપવામાં આવશે. કેટલાક મહેમાનોને કરીમનગરની ખાસ ચાંદીની કલાકૃતિઓ પણ ભેટમાં આપવામાં આવશે. આને ખાસ કોતરણી સાથે તૈયાર કરવામાં આવી છે.
પ્રી-વેડિંગમાં મહેમાનોને ડિઝાઇનર બેગ અને ફૂટવેર મળ્યા હતા
અનંત અંબાણી અને રાધિકા મર્ચન્ટના પ્રી-વેડિંગ ફંક્શનમાં પણ અંબાણી પરિવારે મહેમાનોને કરોડો રૂપિયાની રિટર્ન ગિફ્ટ આપી હતી. એક અહેવાલ મુજબ, મહેમાનોને ભેટ તરીકે લક્ઝરી ફેશન બ્રાન્ડ લૂઈસ વિટનની બેગ આપવામાં આવી હતી. આ સાથે રિટર્ન ગિફ્ટ તરીકે ડિઝાઈનર ફૂટવેર, સોનાની ચેઈન અને ખાસ મીણબત્તીઓ આપવામાં આવી હતી. અંબાણી પરિવાર તેમના નાના દીકરા અનંત અંબાણીના લગ્ન માટે પાણીની જેમ પૈસા ખર્ચી રહ્યો છે. આ લગ્ન દેશના સૌથી મોંઘા લગ્નોમાંથી એક બનવા જઈ રહ્યા છે જેનો ખર્ચ પણ ઘણો છે.
