VIDEO / ફુલેરા ગામ પહોંચ્યા અમિતાભ બચ્ચન, વિધાયકજી સાથે કરી મુલાકાત, વિકાસને કહ્યું- 'લોભ છોડી દો'
લોકપ્રિય વેબ સિરીઝ 'પંચાયત'ની ત્રણ સીઝન અત્યાર સુધીમાં રિલીઝ થઈ ચૂકી છે. ત્રણેય સીઝન સુપરહિટ રહી અને દર્શકોને ખૂબ પ
લોકપ્રિય વેબ સિરીઝ 'પંચાયત'ની ત્રણ સીઝન અત્યાર સુધીમાં રિલીઝ થઈ ચૂકી છે. ત્રણેય સીઝન સુપરહિટ રહી અને દર્શકોને ખૂબ પસંદ આવી. હવે સોશિયલ મીડિયા પર એક વીડિયો વાયરલ થઈ રહ્યો છે. વીડિયોમાં, સદીના સુપરસ્ટાર અમિતાભ બચ્ચન પંચાયત સિરીઝના કલાકારો સાથે જોવા મળે છે. જે બાદ અટકળો શરૂ થઈ ગઈ કે બિગ બી 'પંચાયત'ની ચોથી સિઝનમાં કામ કરી શકે છે. જોકે, એવું કંઈ નથી. ચાલો તમને જણાવીએ કે સત્ય શું છે.
આ પણ વાંચો: જીવ બચાવનાર રિક્ષા ચાલકને મળ્યો સૈફ અલી ખાન, એક્ટરે આભાર માનતા કહી આ વાત
અમિતાભ બચ્ચન અને વિધાયકજીનો વીડિયો વાયરલ થયો
અમિતાભ બચ્ચને પોતાના ઇન્સ્ટાગ્રામ એકાઉન્ટ પર વેબ સિરીઝ 'પંચાયત'માં પંકજ ઝા દ્વારા ભજવવામાં આવેલા પાત્ર વિધાયકજી અને ચંદન રોય દ્વારા ભજવવામાં આવેલા પાત્ર વિકાસ સાથેના વીડિયો પોસ્ટ કર્યા છે. વીડિયોની શરૂઆતમાં, વિધાયકજીને એક બેંક કર્મચારીનો ફોન આવે છે જેમાં તે કહે છે કે તે વિધ્યકજીના પૈસાને દસ ગણા વધારી શકે છે. બેંક કર્મચારીની વાતથી પ્રભાવિત થઈને, વિધાયકજી પણ તેમાં પૈસા રોકાણ કરવા સંમત થાય છે. પછી બિગ બી આવે છે અને વિધાયકજીનો ફોન લે છે. તે વિધાયકજીને કહે છે કે આ એક ફ્રોડ કોલ છે. વીડિયો શેર કરતા બિગ બીએ કેપ્શનમાં લખ્યું, ;સાવધાન રહો, જાગૃત રહો!! હંમેશા સેબી દ્વારા માન્ય એપ્સ અને પ્લેટફોર્મનો ઉપયોગ કરો. મદદ માટે સાયબર દોસ્તને 1930 પર કોલ કરો.'
અમિતાભ બચ્ચને વિકાસને સમજાવી આ વાત
બિગ બીએ વેબ સિરીઝ 'પંચાયત' ફેમ એક્ટર ચંદન રોય જે વિકાસનું પાત્ર ભજવે છે તેની સાથેનો પણ એક વીડિયો પોસ્ટ કર્યો છે. વીડિયોમાં, વિકાસને એક ફોન આવે છે જેમાં તેને વિદેશમાં કામ કરવાની ઓફર મળે છે. વિકાસ તેની વાતથી સહમત થાય છે. પછી અમિતાભ બચ્ચન તેને સમજાવે છે કે તેણે લોભ છોડી દેવો જોઈએ. આ બધા ફ્રોડ કોલ છે અને તેના ચક્કરમાં ફસાશો નહીં. યુઝર્સ આ વીડિયો પર પોતાની પ્રતિક્રિયા આપી રહ્યા છે. એક યુઝરે લખ્યું, 'અમિતાભ બચ્ચનનું ફૂલેરામાં સ્વાગત છે.' એક યુઝરે લખ્યું, 'પંચાયત 4માં બિગ બીની એન્ટ્રી.'
