'હવે સમય આવી ગયો છે...', અલ્લુ અર્જુનના ઘર પર થયેલા હુમલા પર પિતાએ તોડ્યું મૌન

'પુષ્પા 2 ધ રૂલ'ની સફળતાનો આનંદ માણવાને બદલે અભિનેતા અલ્લુ અર્જુન વિવાદોમાં ફસાઈ રહ્યો છે. સંધ્યા થિયેટરમાં 'પુષ્પા 2'ના સ્ક્રિનિંગ દરમિયાન નાસભાગના કિસ્સામાં, પહેલા અભિનેતાની ધરપકડ કરવામાં આવી હતી અને પછી તેના ઘર પર હુમલો કરવામાં આવ્યો હતો. હવે અર્જુનના પિતા અલ્લુ અરવિંદે પ્રતિક્રિયા આપી છે.

આ પણ વાંચો: અલ્લુ અર્જુને ફેન્સને કરી અપીલ, ઇન્સ્ટાગ્રામ પોસ્ટમાં કહ્યું- 'અપમાનજનક ભાષાનો ઉપયોગ ન કરો'

22 ડિસેમ્બરના રોજ, હૈદરાબાદમાં અલ્લુ અર્જુનના ઘરને OU JAC (Osmania University Joint Action Committee) હોવાનો દાવો કરનારા કેટલાક લોકોએ તોડફોડ કરી હતી. તેમણે ટમેટા ફેંક્યા અને તેના તોડફોડ કરી અને પીડિત પરિવારને વળતરની માંગણી કરી હોવાનું કહેવાય છે. હવે અભિનેતાના પિતાએ આ મામલે પોતાનું મૌન તોડ્યું છે.

અલ્લુ અર્જુનના ઘરે થયેલા હુમલા પર બોલ્યા તેના પિતા

ઘર પર હુમલા બાદ અલ્લુ અર્જુનના પિતાએ મીડિયા સાથે વાત કરતા કહ્યું કે, "આજે અમારા ઘરે જે બન્યું તે બધાએ જોયું, પરંતુ હવે સમય આવી ગયો છે કે આપણે યોગ્ય રીતે કામ કરીએ. પ્રતિક્રિયા આપવાનો આ યોગ્ય સમય નથી. પોલીસે બદમાશોને કસ્ટડીમાં લીધા છે અને તેમની સામે કેસ નોંધ્યો છે."

કાયદા પર વિશ્વાસ વ્યક્ત કર્યો

અલ્લુ અર્જુનના પિતાએ વધુમાં જણાવ્યું હતું કે, "અહીં હંગામો મચાવવા આવનાર કોઈપણને પોલીસ પકડી લેવા તૈયાર છે. કોઈએ આવી ઘટનાઓને પ્રોત્સાહન ન આપવું જોઈએ. હું મારી પ્રતિક્રિયા માત્ર એટલા માટે નથી આપી રહ્યો કારણ કે અહીં મીડિયા છે, કાયદો તેનો કામ કરશે."

શું છે મામલો?

4 ડિસેમ્બરે સંધ્યા થિયેટરમાં 'પુષ્પા 2'નું સ્ક્રીનિંગ હતું, જ્યાં અલ્લુ અર્જુન તેના પરિવાર સાથે તેની ફિલ્મ જોવા આવ્યો હતો. દર્શકોને જાણ થઈ કે અભિનેતા ત્યાં આવ્યા છે, તો થિયેટરમાં નાસભાગ મચી ગઈ હતી. આ નાસભાગમાં 35 વર્ષની મહિલા રેવતીનું મોત થયું હતું અને 8 વર્ષનો બાળક ગંભીર રીતે ઘાયલ થયો હતો. આ કેસમાં અભિનેતાની ધરપકડ કરવામાં આવી હતી અને તે જામીન પર બહાર છે.