એક્શન અને કોમેડી બાદ હવે હોરર ફિલ્મમાં નસીબ અજમાવશે અક્ષય કુમાર, ફરી એકવાર આ ડાયરેક્ટર સાથે કરશે કામ

છેલ્લા કેટલાક સમયથી બોલિવૂડના ખિલાડી અક્ષય કુમારની દરેક ફિલ્મ બોક્સ ઓફિસ પર ફ્લોપ સાબિત થઈ રહી છે. તેમની ફિલ્મો પણ તેમના બજેટ જેટલી કમાણી કરવા માટે પણ સંઘર્ષ કરી રહી છે. ઘણા સમયથી અક્ષયની દરેક ફિલ્મ ફ્લોપ જઈ રહી છે, જેના કારણે હવે તે અન્ય જોનર (Genre) માં હાથ અજમાવવા જઈ રહ્યો છે. હવે એક્શન-કોમેડી છોડીને અક્ષયે લોકોને ડરાવવાનું નક્કી કર્યું છે. અક્ષય કુમાર હવે એક હોરર ફિલ્મમાં જોવા મળવાનો છે અને આ ફિલ્મનું દિગ્દર્શન બીજું કોઈ નહીં પણ પ્રિયદર્શન કરશે.

અક્ષય કુમારની ફિલ્મોની હાલત ખરાબ છે, તેની રિલીઝ થતી દરેક ફિલ્મ ફ્લોપ જઈ રહી છે. આવી સ્થિતિમાં હવે લોકો અક્ષયને કંઈક નવું કરતા જોવા માંગે છે. આ કારણોસર અક્ષયે હોરર ફિલ્મ કરવા માટે હા પાડી હશે.

પ્રિયદર્શને આ વાતની પુષ્ટિ કરી છે 

અક્ષય કુમાર અને પ્રિયદર્શને ઘણી ફિલ્મોમાં સાથે કામ કર્યું છે. હવે 14 વર્ષ પછી ફરી એકવાર આ જોડી સાથે કામ કરવા જઈ રહી છે. પ્રિયદર્શને એક ઇન્ટરવ્યુમાં કહ્યું હતું કે, તાજેતરમાં જ મેં રામ મંદિર પરની ડોક્યુમેન્ટ્રીનું શૂટિંગ પૂરું કર્યું છે. આ ડોક્યુમેન્ટરી ટૂંક સમયમાં રિલીઝ થશે અને હવે હું અક્ષય કુમાર સાથે કામ કરવાનો છું. પ્રિયદર્શને જણાવ્યું કે આ ફિલ્મ એકતા કપૂર દ્વારા પ્રોડ્યુસ કરવામાં આવશે અને તે એક હોરર-કોમેડી ફિલ્મ હશે.

ફિલ્મ કેવી હશે

શું ફિલ્મ ભૂલ ભુલૈયા જેવી હશે? આના જવાબમાં પ્રિયદર્શને કહ્યું- તે એક સાયકોલોજિકલ થ્રિલર ફિલ્મ હતી. આ ફિલ્મ ભારતના જૂના કાળા જાદુ પર આધારિત હશે. તે ટૂંક સમયમાં અક્ષય સાથે ફિલ્મનું શૂટિંગ શરૂ કરશે.

અક્ષય અને પ્રિયદર્શને ઘણી ફિલ્મોમાં સાથે કામ કર્યું છે

આ પહેલીવાર નથી જ્યારે અક્ષય કુમાર અને પ્રિયદર્શન સાથે કામ કરી રહ્યા હોય. આ પહેલા આ જોડીએ હેરાફેરી, ભાગમ ભાગ, દે દના દન, ભૂલ ભુલૈયા જેવી ઘણી ફિલ્મોમાં સાથે કામ કર્યું છે.

વર્ક ફ્રન્ટની વાત કરીએ તો, અક્ષય છેલ્લે ટાઈગર શ્રોફ સાથે ફિલ્મ બડે મિયાં છોટે મિયાંમાં જોવા મળ્યો હતો. ફિલ્મમાં પૃથ્વીરાજ સુકુમારને વિલનની ભૂમિકા ભજવી છે. આ ફિલ્મનું નિર્દેશન અલી અબ્બાસ ઝફરે કર્યું હતું.