લગ્ન બાદ સોનાક્ષી સિન્હા હવે સજાવી રહી છે ઘર, પતિ ઝહીરે ઝલક બતાવી લખ્યું...

સોનાક્ષી સિન્હા અને ઝહીર ઈકબાલે 23 જૂને નજીકના મિત્રો અને પરિવારની હાજરીમાં ઘરે સિવિલ મેરેજ કર્યા હતા. હાલમાં આ નવપરિણીત યુગલ તેમના લગ્ન જીવનની સુંદર પળો માણી રહ્યું છે. તેની તસવીરો પણ તે સોશિયલ મીડિયા પર ફેન્સ સાથે શેર કરતા રહે છે. હવે ઝહીરે કેટલીક તસવીરો શેર કરી છે જેમાં તેની નવી દુલ્હન તેના બેડરૂમને પોતાના હાથથી સજાવતી જોવા મળી રહી છે.

ઝહીર સાથે લગ્ન બાદ સોનાક્ષી સજાવી રહી છે ઘર

સોનાક્ષી અને ઝહીર તેમના લગ્ન બાદથી તેમના પ્રેમની પળોની તસવીરો ફેન્સ સાથે સતત શેર કરી રહ્યા છે. હવે ઝહીરે તેની ઈસ્ટા સ્ટોરી પર તેની પત્નીની કેટલીક તસવીરો અને વીડિયો શેર કર્યા છે. વીડિયોમાં નવી દુલ્હન સોનાક્ષી તેના ઘરેલુ જીવનનો આનંદ માણી રહી છે. તે પોતાના બેડરૂમને પોતાના હાથથી સજાવતી જોવા મળી રહી છે. ઝહીરે શેર કરેલા વીડિયોમાં સોનાક્ષી તેના બેડ પર બેસીને તેના બેડરૂમમાં વોલપેપર લગાવતી જોવા મળે છે. આ વીડિયો પોસ્ટ કરતી વખતે ઝહીરે કેપ્શનમાં લખ્યું છે કે, "ઘર બનાવી રહ્યા છીએ." બીજી તસવીરમાં કપલના બેડરૂમની દિવાલ પર તેમના લગ્નના ફોટાની ઘણી ફ્રેમ જોવા મળે છે.

23 જૂનના રોજ સોનાક્ષી અને ઝહીરે કર્યા હતા લગ્ન

ઉલ્લેખનીય છે કે, સોનાક્ષી અને ઝહીરે 23 જૂનના રોજ તેમના ઘરે એક ખાનગી સિવિલ સેરેમનીમાં લગ્ન કર્યા હતા. વ્હાઇટ બ્રાઇડલ આઉટફિટમાં કપલે પરિવાર અને મિત્રોની વચ્ચે તેમના લગ્નના દસ્તાવેજો પર હસ્તાક્ષર કર્યા. આ પછી તેણે પોતાના લગ્નની તસવીરો ઈન્સ્ટાગ્રામ પર શેર કરી. લગ્ન પહેલા આ કપલે સાત વર્ષ સુધી ડેટિંગ કર્યું હતું. તેમના લગ્નના ફોટા પોસ્ટ કરીને, કપલે કેપ્શનમાં લગ્નની તારીખનું મહત્ત્વ સમજાવ્યું હતું અને લખ્યું હતું કે, "આ દિવસે, સાત વર્ષ પહેલા (23.06.2017), અમે એકબીજાની આંખોમાં પ્રેમ તેના શુદ્ધ સ્વરૂપમાં જોયો હતો. તમામ પડકારો અને જીતમાંથી અમને માર્ગદર્શન આપ્યું છે...આ ક્ષણ સુધી...જ્યાં અમારા બંને પરિવારો અને ભગવાનના આશીર્વાદથી...અમે બંને હવે પતિ-પત્ની છીએ અને સોનાક્ષી અને ઝહીરની ડેટિંગથી લઈને લગ્ન સુધીની સફર પૂર્ણ થઈ ગઈ છે.

લગ્ન બાદ કપલે ભવ્ય રિસેપ્શન પાર્ટી આપી

કપલે તે જ દિવસે સ્ટાર સ્ટડેડ રિસેપ્શન પાર્ટીનું પણ આયોજન કર્યું હતું. સોનાક્ષીએ તેના રિસેપ્શનમાં રેડ કલરની સાડી પહેરી હતી. જ્યારે ઝહીરે ઓફ વ્હાઈટ કલરના કોટ સાથે મેચિંગ પેન્ટ પહેર્યું હતું. રિસેપ્શનમાં સાયરા બાનુ, રેખા, સલમાન ખાન, વિદ્યા બાલન અને સંજય લીલા ભણસાલી જેવા સ્ટાર્સે હાજરી આપી હતી.