હાર્દિક પંડ્યાથી છૂટાછેડા બાદ ફરી પ્રેમમાં નતાશા સ્ટેનકોવિક, ખુદ પોસ્ટ શેર કરીને જણાવ્યું

જુલાઈ 2024માં હાર્દિક પંડ્યા-નતાશા સ્ટેનકોવિકે અલગ થવાની જાહેરાત કરી હતી. કપલે કહ્યું હતું કે, તેઓ પરસ્પર સંમતિથી છૂટાછેડા લઈ રહ્યા છે. છૂટાછેડા પછી, નતાશા તેના દીકરા સાથે સર્બિયામાં તેના ઘરે જતી રહી હતી. તે સર્બિયા પહોંચ્યા પછી ફોટા અને વીડિયો શેર કરીને તેના ફેન્સને સતત પોતાના અને તેના દીકરા વિશે અપડેટ આપી રહી છે. આ બધાની વચ્ચે નતાશાએ એક નવી પોસ્ટ શેર કરી છે, જેના કેપ્શનમાં કંઈક એવું લખ્યું છે, જે ફેન્સને આશ્ચર્યમાં મૂકી દે છે.

ઉલ્લેખનીય છે કે, નતાશા સ્ટેનકોવિકે શુક્રવારે તેની ઈન્સ્ટાગ્રામ સ્ટોરીઝ પર એક સેલ્ફી શેર કરી હતી. ફોટામાં તે કારમાં મુસાફરી કરતી જોવા મળી રહી છે અને તે વિન્ડોમાંથી બહાર આકાશ તરફ જોઈ રહી છે. આ ફોટો શેર કરતી વખતે, તેણે કેપ્શનમાં લખ્યું, 'ભગવાન દ્વારા માર્ગદર્શિત, પ્રેમથી ઘેરાયેલ... કૃતજ્ઞ જીવન... હું ખુશી અનુભવું છું.’

હાર્દિક પંડ્યા અને નતાશા વર્ષ 2019માં મળ્યા હતા. એક વર્ષ સુધી ડેટિંગ કર્યા બાદ બંનેએ મે 2020માં લગ્ન કરી લીધા હતા. લગ્ન કર્યા બાદ બંનેએ ફેબ્રુઆરી 2023માં હિન્દુ અને ક્રિશ્ચિયન રીતિ-રિવાજ મુજબ લગ્ન કર્યા હતા. કપલે તેમના પહેલા બાળક, એક દીકરાનું પણ સ્વાગત કર્યું. જોકે, તેમનો સંબંધ લાંબો સમય ચાલ્યો નહીં અને જુલાઈ 2024માં, બંનેએ તેમના અલગ થવાની પુષ્ટિ કરી.

ભૂતપૂર્વ યુગલે તેમના છૂટાછેડાની જાહેરાત કરીને ફેન્સને આશ્ચર્યચકિત કર્યા. તેમણે પોસ્ટમાં લખ્યું છે કે, '4 વર્ષ સુધી સાથે રહ્યા બાદ મેં અને નતાશાએ પરસ્પર સહમતિથી અલગ થવાનો નિર્ણય કર્યો છે. અમે સાથે મળીને અમારો શ્રેષ્ઠ પ્રયાસ કર્યો અને અમારું બધું તેમાં લગાવી દીધું અને અમે માનીએ છીએ કે, તે અમારા બંનેના હિતમાં છે. અમારા માટે આ એક મુશ્કેલ નિર્ણય હતો, કારણ કે અમારો પરિવાર વધતો ગયો તેમ અમે સાથે મળીને આનંદ, પરસ્પર આદર અને સાથનો આનંદ માણ્યો.

હાર્દિક અને નતાશાએ પોસ્ટમાં એમ પણ લખ્યું છે કે, તેઓ તેમના પુત્ર અગસ્ત્યનો ઉછેર સાથે કરશે. ભૂતપૂર્વ કપલે તેમની પોસ્ટમાં લખ્યું હતું કે, 'અમારો દીકરો હંમેશા અમારા બંનેના જીવનનું કેન્દ્ર રહ્યો છે અને અમે તેને સાથે મળીને ઉછેરીશું. અમે તેને જે આપી શકીએ છીએ તે બધું આપીશું તેની ખાતરી કરવા અમે સહ-માતા-પિતા રહીશું. અગસ્ત્ય અમારા માટે આશીર્વાદ છે. આ મુશ્કેલ સમયમાં અમને ગોપનીયતા પ્રદાન કરવા માટે અમે તમારા સમર્થન અને સમજણને નિષ્ઠાપૂર્વક વિનંતી કરીએ છીએ.’