અભિષેક બચ્ચન-ઐશ્વર્યા રાયના છૂટાછેડા નથી થઈ રહ્યા! અભિનેત્રીનો સાસરે જતો વીડિયો થયો વાયરલ
બોલિવૂડ એક્ટર અભિષેક બચ્ચનના તેની પત્ની ઐશ્વર્
બોલિવૂડ એક્ટર અભિષેક બચ્ચનના તેની પત્ની ઐશ્વર્યા રાય બચ્ચન સાથે છૂટાછેડાની અફવાઓ વચ્ચે હવે તેના ફેન્સ માટે રાહતના સમાચાર આવ્યા છે. વાસ્તવમાં, ઘણા સમયથી બી-ટાઉનના આ ફેમસ કપલ વચ્ચે કંઈપણ ઠીક ન હોવાના સમાચાર હતા, પરંતુ હવે સોશિયલ મીડિયા પર એક વીડિયો વાયરલ થઈ રહ્યો છે જેમાં ઐશ્વર્યા રાય દીકરી આરાધ્યા સાથે મુંબઈમાં બિગ બીના ઘરે 'જલસા'ની અંદર જતા જોવા મળી રહી છે. આ વીડિયો વાયરલ થતાની સાથે જ આ બંનેના છૂટાછેડાની અફવાઓ પર પૂર્ણવિરામ લાગી ગયું છે.
જલસાની અંદર ગયા ઐશ્વર્યા અને આરાધ્યા
વાયરલ થઈ રહેલા વીડિયોમાં ઐશ્વર્યા રાય બચ્ચન અને તેની દીકરી આરાધ્યા બચ્ચન મુંબઈના જલસા બંગલામાં જોવા મળી હતી. હાલમાં જ દુબઈ એરપોર્ટ પર અભિષેક અને ઐશ્વર્યા પણ સાથે જોવા મળ્યા હતા. જોકે, આ વીડિયો જૂનો હતો. પરંતુ આ વીડિયો જોયા બાદ બંનેના ફેન્સ ચોક્કસપણે ખુશ થયા હતા. ઐશ્વર્યા રાય બચ્ચન અને તેની દીકરી આરાધ્યા બચ્ચનને જલસામાં પ્રવેશતા જોઈને ફેન્સે રાહતનો શ્વાસ લીધો છે. વીડિયોમાં આરાધ્યા સ્કૂલ યુનિફોર્મમાં જોવા મળી હતી જેનો સ્પષ્ટ અર્થ છે કે, તે સ્કૂલથી સીધી ઘરે પહોંચી હતી. આ દરમિયાન ઐશ્વર્યા અને આરાધ્યાએ પાપારાઝીને કોઈ પોઝ આપ્યો ન હતો. બંને પોતાની કારમાંથી સીધા ઘરની અંદર જતા રહ્યા હતા.
ફેન પેજે શેર કર્યો વીડિયો
આ વીડિયો ઐશ્વર્યા રાય બચ્ચનના ફેન પેજ દ્વારા શેર કરવામાં આવ્યો છે. આ વીડિયો સોમવારનો હોવાનું કહેવાય છે. ઉલ્લેખનીય છે કે, તાજેતરમાં જ અભિષેક બચ્ચને પણ ઐશ્વર્યા સાથે છૂટાછેડાની અફવાઓને સંપૂર્ણપણે નકારી કાઢી હતી. અભિનેતાએ કહ્યું હતું કે, તે સિંગલ નથી અને તેના લગ્ન પણ તૂટ્યા નથી. અભિષેકે તમામ અફવાઓનું ખંડન કર્યું હતું.
ઐશ્વર્યા અને અભિષેક વચ્ચે છૂટાછેડાની અફવા
રાધિકા મર્ચન્ટ અને અનંત અંબાણીના લગ્નમાં અભિષેક બચ્ચન અને ઐશ્વર્યા રાય અલગ-અલગ પહોંચ્યા હતા, ત્યારપછી બંને વચ્ચે છૂટાછેડાની અફવાઓએ જોર પકડ્યું હતું. જોકે, લગ્ન સમારંભની અંદરના વીડિયોમાં બંને સાથે જોવા મળ્યા હતા. ઐશ્વર્યા રાય બચ્ચન અને અભિષેક બંને જલસામાં રહેતા નથી, નોંધનીય છે કે, અભિષેકે પોતે કહ્યું હતું કે, તે 'જલસા'માં તેના માતા-પિતા સાથે નહીં પરંતુ તેની બાજુમાં આવેલા 'વત્સ'માં રહે છે. અભિષેકના આ જવાબ પછી બધા જ અનુમાન લગાવી રહ્યા હતા કે, ઐશ્વર્યા તેના સાસરિયાઓ સાથે નથી રહેતી.
