ACP અજય રાઠોડ તરીકે ફરી આવી રહ્યો છે આમિર ખાન, 'સરફરોશ 2'ની કરી જાહેરાત

આમિર ખાનની સુપરહિટ ફિલ્મોમાં 'સરફરોશ'નું નામ મોખરે છે. લગભગ 2 દાયકા પહેલા આવેલી આ ફિલ્મે તાજેતરમાં જ તેની રિલીઝના 25 વર્ષ પૂર્ણ કર્યા છે. આ માટે સરફરોશની સ્પેશિયલ સ્ક્રીનિંગનું આયોજન કરવામાં આવ્યું હતું. આ એક સ્ટાર-સ્ટડેડ ઇવેન્ટ હતી જ્યાં આમિર ખાન, સોનાલી બેન્દ્રે, નસીરુદ્દીન શાહ, મકરંદ દેશપાંડે, નવાઝુદ્દીન સિદ્દીકી, રાજેશ જોશી અને ફિલ્મના ડિરેક્ટર સહિત ફિલ્મની આખી ટીમ હાજર હતી અને સાથે મળીને ક્ષણનો આનંદ માણ્યો હતો. આ દરમિયાન આમિર ખાને પોતાના ફેન્સને એક ખાસ સરપ્રાઈઝ પણ આપ્યું છે.

આ પણ વાંચો : Gurucharan Singh Missing: 'તારક મહેતા..'ના સોઢીના ગુમ થવાના કેસમાં પોલીસે કર્યો નવો ખુલાસો

આમિર ખાને 'સરફરોશ 2' પર આ વાત કહી

વાસ્તવમાં, 'સરફરોશ'ની રિલીઝના 25 વર્ષ પૂર્ણ થવાના અવસર પર, આમિર ખાને 'સરફરોશ 2'ને લઈને પોતાનું મૌન તોડ્યું છે, જેણે આ ક્ષણને વધુ યાદગાર બનાવી દીધી છે. 'સરફરોશ'નું સ્પેશિયલ સ્ક્રીનિંગ PVR જુહુ, મુંબઈ ખાતે થયું હતું. આ ઈવેન્ટમાં મીડિયા સાથેની વાતચીત દરમિયાન આમિર ખાને કહ્યું કે - 'મારું માનવું છે કે 'સરફરોશ 2' ચોક્કસપણે બનવી જોઈએ. અમે યોગ્ય વાર્તા પર ધ્યાન કેન્દ્રિત કરી રહ્યા છીએ અને તેની શોધ ટૂંક સમયમાં પૂર્ણ કરવામાં આવશે. જો બધું બરાબર થઈ જાય તો મેથ્યુ (સરફરોશ નિર્દેશક) તમારે આ માટે ફરીથી તૈયાર રહેવું પડશે, હવે આમિરના આ નિવેદન પછી સરળતાથી અનુમાન લગાવી શકાય છે કે તે ફરીથી 'સરફરોશ'ના એસીપી અજય સિંહ તરીકે સ્ક્રીન પર આવશે. 'સરફરોશ' 30 એપ્રિલ, 1999ના રોજ રીલિઝ થઈ હતી. આ ફિલ્મમાં જ્યાં આમિર ખાન એસીપી અજય સિંહ રાઠોડના રોલમાં જોવા મળ્યો હતો, ત્યાં સોનાલી બેન્દ્રે સીમાના રોલમાં જોવા મળી હતી. આ ફિલ્મનું નિર્દેશન જ્હોન મેથ્યુએ કર્યું હતું અને તે સમયે આ ફિલ્મ સુપરહિટ સાબિત થઈ હતી.

આમિર ખાનનું વર્ક ફ્રન્ટ

આમિર ખાનના વર્ક ફ્રન્ટની વાત કરીએ તો તે ટૂંક સમયમાં 'સિતારે જમીન પર'માં મહત્ત્વની ભૂમિકા ભજવતો જોવા મળશે. અનુમાન લગાવવામાં આવી રહ્યું છે કે અભિનેતાની આ આગામી ફિલ્મ આવતા વર્ષે રિલીઝ થઈ શકે છે.