આદર જૈને રોમેન્ટિક અંદાજમાં દરિયાકિનારે કર્યું ગર્લફ્રેન્ડ અલેખા અડવાણીને પ્રપોઝ, તારા સુતરિયાને કરી ચૂક્યો છે ડેટ
રાજ કપૂરનો દોહિત્ર અને બોલિવૂડ અભિનેતા આદર જૈન ટૂંક સમયમાં તેની ફર્સ્ટ ક્રશ અને ગર્લ
રાજ કપૂરનો દોહિત્ર અને બોલિવૂડ અભિનેતા આદર જૈન ટૂંક સમયમાં તેની ફર્સ્ટ ક્રશ અને ગર્લફ્રેન્ડ અલેખા અડવાણી સાથે લગ્ન કરવા જઈ રહ્યો છે. ગયા વર્ષે દિવાળી દરમિયાન આદરે તેની ગર્લફ્રેન્ડ અલેખા સાથેના સંબંધોને ઓફિશિયલ કર્યા હતા. હવે બંનેએ સગાઈ કરી લીધી છે. આદર જૈને તેની ગર્લફ્રેન્ડ અલેખા અડવાણીને દરિયા કિનારે લગ્ન માટે પ્રપોઝ કર્યું. આદર અને અલેખાની રોમેન્ટિક તસવીરો સોશિયલ મીડિયા પર વાયરલ થઈ રહી છે. અભિનેતાએ તેના ઇન્સ્ટાગ્રામ એકાઉન્ટ પર ગર્લફ્રેન્ડ સાથે તેની સગાઈના ફોટા શેર કર્યા છે.
આદર જૈને કરી સગાઈ
આદર જૈન અને અલેખા અડવાણીની તસવીરો રોમાંસથી ભરપૂર છે. આદરે અલેખાને દરિયા કિનારે લાઇટથી ઘેરાયેલા હાર્ટ શેપની અંદર પ્રપોઝ કર્યું. હાર્ટ શેપ પાસે 'મેરી મી' લખેલું છે. વાદળી-સફેદ શર્ટ અને સફેદ પેન્ટમાં સજ્જ, આદરે તેના ઘૂંટણ પર બેસીને અલેખાને પ્રપોઝ કર્યું અને તેની લેડી લવને વીંટી પહેરાવી. તેણે પીળા રંગમાં સુંદર દેખાતી અલેખાને કિસ પણ કરી. આ રોમેન્ટિક તસવીરો સ્પષ્ટપણે દર્શાવે છે કે, બંને એકબીજાને કેટલો પ્રેમ કરે છે.
આદરનો પહેલો ક્રશ છે અલેખા
આ તસવીરો શેર કરતી વખતે આદર જૈને જણાવ્યું કે, અલેખા તેની ફર્સ્ટ ક્રશ અને બેસ્ટ ફ્રેન્ડ છે. કેપ્શનમાં, અભિનેતાએ લખ્યું, "મારો ફર્સ્ટ ક્રશ, મારી બેસ્ટ ફ્રેન્ડ અને હવે મારી બધુ જ." તેણે રિંગ અને હાર્ટ ઇમોજીસ પણ શેર કર્યા. તેની કઝીન રિદ્ધિમા કપૂર, કરીના કપૂર ખાન, કરિશ્મા કપૂર, અંશુલા કપૂર અને શનાયા કપૂર સહિત ઘણી સેલિબ્રિટીઓએ આદરને તેની સગાઈ માટે અભિનંદન પાઠવ્યા છે.
તારા સુતરિયાને કરી ચૂક્યો છે ડેટ
આદર જૈન અલેખા પહેલા તારા સુતરિયાને ડેટ કરતો હતો. બંનેએ વર્ષ 2020માં તેમના સંબંધોને ઓફિશિયલ કર્યા હતા. તારા દરેક તહેવાર કે ખાસ પ્રસંગે જૈન કે કપૂર પરિવાર સાથે જોવા મળતી હતી. પરંતુ જાન્યુઆરી 2023માં તારા અને આદરના બ્રેકઅપના સમાચારે બધાને ચોંકાવી દીધા હતા. જોકે, બ્રેકઅપનું કારણ હજુ સુધી જાણી શકાયું નથી. નવેમ્બર 2023માં, આદર પહેલી વખત અલેખા સાથે જોવા મળ્યો હતો.
