70th National Films Awards Full List: ઋષભ શેટ્ટીને બેસ્ટ એક્ટરનો એવોર્ડ મળ્યો, આ બની વર્ષની બેસ્ટ ફિલ્મ

નવી દિલ્હીમાં નેશનલ મીડિયા સેન્ટર ખાતે શુક્રવારે 70મા રાષ્ટ્રીય ફિલ્મ પુરસ્કારના વિજેતાઓની જાહેરાત કરવામાં આવી હતી. આ ઈવેન્ટમાં એવી પણ જાહેરાત કરવામાં આવી છે કે, કેલેન્ડર વર્ષ 2022માં તમામ ભાષાઓમાં બનેલી બેસ્ટ ભારતીય ફિલ્મોને રાષ્ટ્રપતિ દ્વારા સન્માનિત કરવામાં આવશે. 1 જાન્યુઆરી, 2022 અને ડિસેમ્બર 31, 2022 વચ્ચે સેન્ટ્રલ બોર્ડ ઑફ ફિલ્મ સર્ટિફિકેશન (CBFC) દ્વારા પ્રમાણિત ફીચર અને નોન-ફીચર ફિલ્મોને આ વર્ષની પુરસ્કારોની યાદીમાં સામેલ કરવામાં આવી છે. આ વર્ષની જ્યુરીમાં રાહુલ રાવેલ, અધ્યક્ષ, ફીચર ફિલ્મ જ્યુરીનો સમાવેશ થાય છે; નીલા માધબ પાંડા, નોન-ફીચર ફિલ્મ જ્યુરીના અધ્યક્ષ અને ગંગાધર મુદલૈલનો સમાવેશ થતો હતો. હવે એવોર્ડ લિસ્ટ પર એક નજર કરીએ.

મલયાલમ ભાષાની ફિલ્મ અટ્ટમને બેસ્ટ ફીચર ફિલ્મનો એવોર્ડ મળ્યો હતો, જ્યારે ઋષભ શેટ્ટીએ બેસ્ટ અભિનેતાનો એવોર્ડ જીત્યો હતો અને બેસ્ટ અભિનેત્રીનો ખિતાબ નિત્યા મેનન અને માનસી પારેખ બંનેને મળ્યો હતો. ફિલ્મ પોનીયિન સેલવાનઃ 1એ સૌથી વધુ ચાર એવોર્ડ જીત્યા છે.