JEE Mains 2026ના સેશન 1 અને 2ની પરીક્ષાની તારીખ જાહેર કરાઈ, જાણો ક્યારથી શરૂ થશે રજીસ્ટ્રેશન
છેલ્લું અપડેટ : 20 Oct 2025
JEE Mainsની તૈયારી કરી રહેલા વિદ્યાર્થીઓ માટે આ ખૂબ જ મહત્ત્વપૂર્ણ સમાચાર છે. નેશનલ ટેસ્ટિંગ એજન્સી (NTA) એ JEE Mains 2026 પરીક્ષાની સંભવિત તારીખો જાહેર કરી છે. આ પરીક્ષા બે સેશનમાં લેવામાં આવશે. જારી કરાયેલી માર્ગદર્શિકાને અનુસરીને, દેશભરના વિવિધ કેન્દ્રો પર પરીક્ષા લેવામાં આવશે.
NTA દ્વારા જાહેર કરાયેલા ટેન્ટેટિવ શેડ્યૂલ અનુસાર, JEE Mains સેશન 1ની પરીક્ષા 21થી 30 જાન્યુઆરી, 2026 દરમિયાન યોજાશે. જ્યારે JEE Mains સેશન 2ની પરીક્ષા 1થી 10 એપ્રિલ, 2026 દરમિયાન યોજાશે. આ શેડ્યૂલ સત્તાવાર વેબસાઇટ, jeemain.nta.nic.in પર જાહેર કરવામાં આવ્યું છે, જે પરીક્ષા આપનારા વિદ્યાર્થીઓ ચેક કરી શકે છે.
રજીસ્ટ્રેશન ક્યારે શરૂ થશે?
જાહેર કરાયેલા ટેન્ટેટિવ શેડ્યૂલ મુજબ, JEE મેન્સ 2026 Mains સેશન 1 માટે રજીસ્ટ્રેશનની પ્રક્રિયા ઓક્ટોબર 2025માં શરૂ થશે. જ્યારે Mains સેશન 2 માટે રજીસ્ટ્રેશનની પ્રક્રિયા જાન્યુઆરી 2026ના છેલ્લા અઠવાડિયામાં શરૂ થશે. શિક્ષણ મંત્રાલયે JEE Mains પરીક્ષા લેવા માટે JEE એપેક્સ બોર્ડ (JAB) ની પુનર્ગઠન કરી છે. મીડિયા અહેવાલો અનુસાર, કોર્સમાં કેટલાક ફેરફારો કરવામાં આવી શકે છે. જોકે, આ સંદર્ભમાં હજુ સુધી કોઈ સત્તાવાર નોટિફિકેશન જાહેર નથી કરવામાં આવ્યું.
રજીસ્ટ્રેશન કેવી રીતે કરવું?
- સત્તાવાર વેબસાઈટ jeemain.nta.nic.in પર જાઓ.
- હોમ પેજ પર JEE Mains 2026 સેશન 1 રજીસ્ટ્રેશન લિંક પર ક્લિક કરો.
- રજીસ્ટ્રેશન માટે તમારી વિગતો દાખલ કરો અને આ પછી અરજી ફોર્મ ભરો.
- ત્યારબાદ જરૂરી ડોક્યુમેન્ટ અપલોડ કરો.
- ફી ચૂકવો અને ફોર્મ સબમિટ કરો.
ક્યાં એડમિશન મળશે?
JEE Mainsના સ્કોર્સ અને રેન્ક દેશભરના NITs માં B.Tech કોર્સમાં પ્રવેશ પૂરો પાડે છે. આ પરીક્ષામાં ટોપ રેન્કવાળા વિદ્યાર્થીઓ પછી JEE Advanced પરીક્ષા આપે છે. JEE Advanced સ્કોર્સ IITs માં B.Tech કોર્સમાં પ્રવેશ પૂરો પાડે છે. JEE Mains 2026 પરીક્ષા અંગે વધુ માહિતી માટે, વિદ્યાર્થીઓ NTAની સત્તાવાર વેબસાઈટની મુલાકાત લઈ શકે છે.