ભારતીય વાયુસેનામાં પાયલોટને કેટલો પગાર મળે છે? 4 રીતે કરવામાં આવે છે પસંદગી

ભારતીય વાયુસેનામાં ફાઈટર પાયલોટ બનવું એ ઘણા યુવાનોનું સપનું છે. આ પોસ્ટ જુસ્સો, અદમ્ય હિંમત, તીક્ષ્ણ મગજ અને સ્કિલની માંગ કરે છે. ફાઈટર પાયલોટે હવાઈ લડાઈથી લઈને દુશ્મનના લક્ષ્યો પર હુમલો કરવા અને પોતાના સૈનિકો/નાગરિકોને બચાવવા સુધીની જવાબદારીઓ નિભાવવી પડે છે. આ માટે સખત તાલીમ લેવી પડે છે. જો તમારું સપનું ભારતીય વાયુસેનામાં ફાઈટર પાયલોટ બનવાનું છે, તો અમે તમારા માટે આ કરિયર વિશે વિગતવાર માહિતી લઈને આવ્યા છીએ. અમે તમને જણાવીશું કે ફાઈટર પાયલોટ કેવી રીતે બનવું અને તેને કેટલો પગાર મળે છે.

ભારતીય વાયુસેનામાં ફાઈટર પાયલોટ બનવાના ઘણા રસ્તા છે. જે 12મી પછી શરૂ થાય છે. ઇન્ટરમીડિયેટ પછી, વ્યક્તિ UPSC NDA પ્રવેશ પરીક્ષા પાસ કરીને એરફોર્સમાં પાયલોટ બની શકે છે. આ માટે ફિઝીક્સ, કેમેસ્ટ્રી અને મેથ્સ વિષય સાથે 12મું પાસ હોવું જરૂરી છે. આ સિવાય CDS, AFCAT અને NCC સ્પેશિયલ એન્ટ્રી સ્કીમ જેવા વિકલ્પો પણ છે.

UPSC NDA પરીક્ષા

જે વિદ્યાર્થીઓએ 12મું વિજ્ઞાન પ્રવાહ (PCM) સાથે પાસ કર્યું છે તેઓ UPSC NDA પરીક્ષામાં બેસી શકે છે. તેના દ્વારા આર્મી, એરફોર્સ અને નેવીમાં ઓફિસર રેન્ક પર ભરતી કરવામાં આવે છે. એરફોર્સની વાત કરીએ તો એનડીએ દ્વારા તેની ફ્લાઈંગ બ્રાન્ચ, ગ્રાઉન્ડ ડ્યુટી ટેક્નિકલ અને નોન-ટેક્નિકલ બ્રાન્ચમાં ભરતી કરવામાં આવે છે. આ માટે ઉંમર 16.5 વર્ષથી 19 વર્ષની વચ્ચે હોવી જોઈએ.

એર ફોર્સ કોમન એડમિશન ટેસ્ટ (AFCAT)

ભારતીય વાયુસેના દર વર્ષે એર ફોર્સ કોમન એડમિશન ટેસ્ટ (AFCAT) નું આયોજન કરે છે. આ દ્વારા એરફોર્સની ફ્લાઈંગ, ટેક્નિકલ અને ગ્રાઉન્ડ શાખાઓમાં ભરતી કરવામાં આવે છે. તેના દ્વારા એરફોર્સમાં શોર્ટ સર્વિસ કમિશન મળે છે. AFCAT માટે, ઉમેદવારોએ ઓછામાં ઓછા 50% ગુણ સાથે 12મું વિજ્ઞાન પ્રવાહ (PCM) પાસ કરેલ હોવું જોઈએ. ઉપરાંત, વ્યક્તિએ BA/B.Sc/B.Com/B.Tech ફર્સ્ટ ક્લાસ (60%) માર્ક્સ સાથે પાસ કરેલ હોવું જોઈએ. આ માટે ઉંમર 20થી 24 વર્ષની વચ્ચે હોવી જોઈએ.

NCC વિશેષ પ્રવેશ યોજના

એરવિંગ પાસે NCCના C સર્ટીફીકેટ ધારકો માટે NCC વિશેષ પ્રવેશ યોજના છે. આ દ્વારા, ભરતી માટે સીધું SSB ઇન્ટરવ્યુ લેવમાં આવે છે. NCC સ્પેશિયલ એન્ટ્રી સ્કીમ માટે, તમારી પાસે NCCનું C સર્ટીફીકેટ હોવું આવશ્યક છે. ઉપરાંત, વ્યક્તિએ 12મું PCM સાથે પાસ કરેલ હોવું જોઈએ અને ગ્રેજ્યુએશન અથવા BE/B.Techમાં 60% ગુણ હોવા જોઈએ.

સંયુક્ત સંરક્ષણ સેવાઓ (CDS)

સંયુક્ત સંરક્ષણ સેવાઓ દ્વારા, ત્રણેય સેનામાં ગ્રેજ્યુએશન ડિગ્રી ધરાવતા લોકોની ભરતી કરવામાં આવે છે. તેના દ્વારા એરફોર્સની ફ્લાઈંગ, ગ્રાઉન્ડ અને ટેકનિકલ શાખાઓમાં ભરતી કરવામાં આવે છે. આ માટે ઉમેદવારોએ 12મું વિજ્ઞાન પ્રવાહ (PCM) સાથે પાસ કર્યું હોવું જોઈએ. ઉપરાંત, વ્યક્તિ પાસે કોઈપણ વિદ્યાશાખામાં સ્નાતકની ડિગ્રી હોવી જોઈએ. આ માટે વય મર્યાદા 20થી 24 વર્ષની છે. સીડીએસ દ્વારા ભરતી પર એરફોર્સમાં શોર્ટ સર્વિસ કમિશન ઉપલબ્ધ છે.

એરફોર્સમાં અધિકારીઓનો રેન્ક અને પગાર

મિલિટરી સર્વિસ પે પણ મળે છે

ભારતીય વાયુસેનામાં અધિકારીના પદ પર જોડાયા પછી, પગાર અને ભથ્થાઓ સિવાય, વ્યક્તિને 15,500 રૂપિયા પ્રતિ મહિને મિલિટરી સર્વિસ પે પણ મળે છે. તે ફ્લાઈંગ ઓફિસરથી લઈને એર કોમોડોર રેન્ક સુધીના અધિકારીઓને આપવામાં આવે છે.