BANK JOB / SBIમાં સ્પેશિયાલિસ્ટ ઓફિસર બનવાની સુવર્ણ તક, આ ડિગ્રી હોય તો ભરી લો ફોર્મ
છેલ્લું અપડેટ : 20 Sept 2025
સ્ટેટ બેંક ઓફ ઈન્ડિયાએ સ્પેશિયાલિસ્ટ ઓફિસર પદો માટે અરજી પ્રક્રિયા શરૂ કરી છે. આ ભરતી પ્રક્રિયામાં કુલ 63 મેનેજર (ક્રેડિટ એનાલિસ્ટ) ની જગ્યાઓ અને 59 મેનેજર અને ડેપ્યુટી મેનેજરની જગ્યાઓ ભરવામાં આવશે. આ પદો માટે અરજી પ્રક્રિયા શરૂ થઈ ગઈ છે. રસ ધરાવતા અને લાયક ઉમેદવારો 2 ઓક્ટોબર સુધી સત્તાવાર વેબસાઈટ, sbi.bank.in દ્વારા ઓનલાઈન અરજી કરી શકે છે. ફી સબમિટ કરવાની અંતિમ તારીખ 2 ઓક્ટોબર છે.
શૈક્ષણિક લાયકાત
મેનેજર (ક્રેડિટ એનાલિસ્ટ) ની જગ્યા પર અરજી કરવા માટે, ઉમેદવારોએ ભારતમાં માન્ય સંસ્થામાંથી ગ્રેજ્યુએશન પૂર્ણ કરેલ હોવું જોઈએ. મેનેજર (પ્રોડક્ટ ડિજિટલ પ્લેટફોર્મ) અથવા ડેપ્યુટી મેનેજરની જગ્યા પર અરજી કરવા માટે, ઉમેદવારો પાસે કમ્પ્યુટર, કમ્પ્યુટર સાયન્સ અથવા ઈલેક્ટ્રોનિક્સમાં BE અથવા BTech ડિગ્રી હોવી આવશ્યક છે.
વય મર્યાદા
મેનેજર (ક્રેડિટ એનાલિસ્ટ) ની જગ્યા પર અરજી કરવા માટેની લઘુત્તમ ઉંમર 25 વર્ષ અને મહત્તમ ઉંમર 35 વર્ષ છે. મેનેજર (પ્રોડક્ટ ડિજિટલ પ્લેટફોર્મ) ની જગ્યા પર અરજી કરવા માટેની લઘુત્તમ ઉંમર 28 વર્ષ અને મહત્તમ ઉંમર 35 વર્ષ છે. ડેપ્યુટી મેનેજરની જગ્યા પર અરજી કરવા માટેની લઘુત્તમ ઉંમર 25 વર્ષ અને મહત્તમ ઉંમર 32 વર્ષ છે. જોકે, અનામત કેટેગરીના ઉમેદવારોને ઉંમરમાં છૂટછાટ આપવામાં આવશે.
અરજી ફી
આ જગ્યાઓ પર અરજી કરવા માટે ઉમેદવારોએ અરજી ફી પણ ચૂકવવાની રહેશે. જનરલ, OBC અને EWS કેટેગરીના ઉમેદવારો માટે અરજી ફી 750 રૂપિયા છે. જ્યારે SC, ST અને અપંગ ઉમેદવારોને અરજી ફીમાંથી મુક્તિ આપવામાં આવી છે.
અરજી કેવી રીતે કરવી?
- અરજી કરવા માટે, પહેલા SBIની સત્તાવાર વેબસાઈટ, sbi.bank.in ની મુલાકાત લો.
- આગળ, વેબસાઈટના હોમપેજ પર અરજીનીલિંક પર ક્લિક કરો.
- જરૂરી માહિતી દાખલ કરો અને લોગિન કરો.
- જરૂરી ડોક્યુમેન્ટ સ્કેન કરેલી કોપી અપલોડ કરો.
- ફોર્મ સબમિટ કરતા પહેલા, બધી માહિતી કાળજીપૂર્વક વાંચો.
- ફોર્મ ભર્યા બાદ ભવિષ્યના સંદર્ભ માટે પ્રિન્ટઆઉટ લો.
