શું તમે કોમર્સમાંથી 12મું પાસ કરવાના છો? તો આ 6 ગ્રોઈંગ ફિલ્ડમાં બનાવી શકો છો કરિયર

ઘણા વિદ્યાર્થીઓ હાલ 12માની બોર્ડની પરીક્ષાની તૈયારીમાં વ્યસ્ત છે. પરંતુ, 12માની પરીક્ષા પાસ કર્યા પછી કેટલાક વિદ્યાર્થીઓ કયા ક્ષેત્રમાં આગળ વધવું તે નક્કી નથી કરી શકતા.

આ પણ વાંચો: Career Tips / અભ્યાસ પછી પ્રથમ નોકરી શોધી રહ્યા હોવ, તો ખૂબ જ ઉપયોગી થશે આ ટિપ્સ

બોર્ડની પરીક્ષાઓ પછી, ઘણા વિદ્યાર્થીઓ મૂંઝવણમાં મૂકાઈ જાય છે કે કરિયર બનાવવા માટે કયું ક્ષેત્ર ફાયદાકારક છે. આ મૂંઝવણ ખૂબ સામાન્ય છે, પરંતુ તેને દૂર કરવી ખૂબ જ મહત્ત્વપૂર્ણ છે. આ જ કારણ છે કે આજે અમે એવી ગ્રોઈંગ ફિલ્ડ વિશે વાત કરવા જઈ રહ્યા છીએ જેમાં કોમર્સમાંથી 12મું પાસ કરનારા વિદ્યાર્થીઓ કરિયર બનાવી શકે છે.

કોસ્ટ એન્ડ મેનેજમેન્ટ એકાઉન્ટન્ટ 

કોમર્સના વિદ્યાર્થીઓ 12મા પછી આ પ્રોફેશનલ કોર્સ કરી શકે છે. આ કોર્સ ઈન્સ્ટીટ્યુટ ઓફ કોસ્ટ એકાઉન્ટન્ટ્સ ઓફ ઈન્ડિયા દ્વારા હાથ ધરવામાં આવે છે, જે ત્રણ તબક્કામાં વિભાજિત છે. કોસ્ટ એન્ડ મેનેજમેન્ટ એકાઉન્ટન્ટમાં ફાઉન્ડેશન, ઈન્ટરમીડીએટ અને ફાઈનલ સ્ટેજ હોય છે. આ કોર્સ પૂર્ણ કર્યા પછી તમે સર્ટિફાઈડ કોસ્ટ એકાઉન્ટન્ટ બની શકો છો.

સર્ટિફાઈડ ફાઈનાન્શિયલ પ્લાનર 

જો તમને પર્સનલ ફાઈનાન્સ અને વેલ્થ મેનેજમેન્ટમાં રસ હોય, તો સર્ટિફાઈડ ફાઈનાન્શિયલ પ્લાનર તમારા માટે શ્રેષ્ઠ કરિયર વિકલ્પ બની શકે છે. આ કોર્સ કરવા માટે ટેક્સ પોલિસી અને રોકાણનું જ્ઞાન હોવું જોઈએ. સર્ટિફાઈડ ફાઈનાન્શિયલ પ્લાનર બનવા માટે, વિદ્યાર્થીઓ પાસે ફાઈનાન્શિયલ પ્લાનિંગ સ્ટાન્ડર્ડ્સ બોર્ડ ઓફ ઈન્ડિયાનું સર્ટીફીકેટ હોવું જરૂરી છે.

ચાર્ટર્ડ એકાઉન્ટન્ટ

આ કોર્સ ઈન્સ્ટીટ્યુટ ઓફ ચાર્ટર્ડ એકાઉન્ટન્ટ્સ ઓફ ઈન્ડિયા દ્વારા ઓફર કરવામાં આવે છે. કોમર્સના વિદ્યાર્થીઓમાં આ ખૂબ જ લોકપ્રિય પ્રોફેશનલ કોર્સ છે. આ કર્યા પછી, તમે ચાર્ટર્ડ એકાઉન્ટન્ટ તરીકે તમારી પોતાની પ્રેક્ટિસ કરી શકો છો અથવા તમે કોઈપણ ભારતીય, મલ્ટી નેશનલ અથવા ઓડિટ ફર્મમાં પણ કામ કરી શકો છો. આ કોર્સ કરવા માટે 12મા ધોરણ પછી કોમન એન્ટ્રન્સ ટેસ્ટ આપવી પડે છે, ત્યારબાદ ચાર્ટર્ડ એકાઉન્ટન્ટનો વધુ અભ્યાસ કરી શકાય છે.

ડિપ્લોમા ઈન માર્કેટિંગ

કોમર્સના વિદ્યાર્થીઓ 12મા પછી માર્કેટિંગમાં ડિપ્લોમા કરી શકે છે. આ ક્ષેત્રમાં, એસઈઓ, કન્ટેન્ટ રાઈટિંગ, સોશિયલ મીડિયા, ઈમેઇલ માર્કેટિંગ, એનફિલીએટ માર્કેટિંગ, લીડ જનરેશન, એનાલિટિક્સ, બ્રાન્ડ મેનેજમેન્ટ જેવા સબફિલ્ડને આવરી લેવામાં આવી શકે છે. ગ્રેજ્યુએશન પછી આ કોર્સ કરવાથી તમારું CV સારું બની શકે છે.

ડિપ્લોમા ઈન મેનેજમેન્ટ

જો તમને બિઝનેસ મેનેજ કરવાનું પસંદ છે, તો આ કોર્સ તમારા માટે ફાયદાકારક બની શકે છે. આ કોર્સ દરમિયાન, એવી ટેકનિકલ બાબતોનો અભ્યાસ અને શીખવવામાં આવે છે, જે તમારા બિઝનેસના નિર્માણ અથવા વિસ્તરણ માટે ફાયદાકારક હોઈ શકે છે. આ સિવાય આ કોર્સ કર્યા પછી તમે કોઈપણ કંપનીમાં મેનેજમેન્ટ લેવલની નોકરી પણ કરી શકો છો.

ડિજિટલ માર્કેટિંગ

સમયની સાથે તમામ કામ ડિજિટલ રીતે કરવામાં આવે છે, દરેક કંપની માટે ડિજિટલ માર્કેટિંગ જરૂરી બની રહ્યું છે. દરેક કંપનીમાં ડિજિટલ માર્કેટિંગ માટે પોસ્ટ હોય છે, જે સોશિયલ મીડિયા, કન્ટેન્ટ ક્રિએશન અને ઓનલાઈન માર્કેટિંગનું ધ્યાન રાખે છે. જો તમને આ બધામાં રસ છે, તો આ એક સારો કરિયર ઓપ્શન બની શકે છે.