સરકારે ઓઇલ રિફાઇનરીઓ અને રિલાયન્સને કહી દીધી આ વાત

ભારત સરકારે સરકારી માલિકીની ઓઇલ રિફાઇનરીઓ અને ખાનગી કંપની રિલાયન્સ ઇન્ડસ્ટ્રીઝ લિમિટેડને રશિયા સાથે લાંબા ગાળાના ઓઇલ સપ્લાય સોદા માટે સંયુક્ત રીતે વાટાઘાટો કરવા વિનંતી કરી છે. સૂત્રોના જણાવ્યા અનુસાર, સરકાર ઇચ્છે છે કે રિફાઇનરીઓ રશિયા પાસેથી ઓછામાં ઓછું એક તૃતીયાંશ તેલ નિશ્ચિત ડિસ્કાઉન્ટ પર ખરીદે જેથી કરીને દેશની અર્થવ્યવસ્થાને ઓઇલના ભાવમાં થતી ઊંચી વધઘટથી સુરક્ષિત કરી શકાય.

સૂત્રોના જણાવ્યા અનુસાર, "જોકે, સ્થાનિક ઇંધણ બજારમાં રિફાઇનરીઓ વચ્ચેની સ્પર્ધાને કારણે, રિલાયન્સ મીડિયા  સાથે સંવેદનશીલ માહિતી શેર કરે તેવી શક્યતા ઓછી છે, જે આ સહયોગમાં સરકારના પ્રયાસોને અવરોધી શકે છે."

રશિયાએ યુક્રેન પર આક્રમણ કર્યું ત્યારથી ભારત રશિયન ક્રૂડનું મુખ્ય ખરીદદાર રહ્યું છે. પરંતુ યુએસ પ્રતિબંધોના કડક અમલને કારણે વેપારને અસર થઈ અને રિફાઈનરીઓને વધુ મોંઘા ક્રુડ ઓઇલ  ખરીદવું પડ્યું. 

સૂત્રોના જણાવ્યા અનુસાર, ભારત સરકાર ઇચ્છે છે કે સરકારી ઓઇલ કંપનીઓ એકબીજા સાથે સ્પર્ધા કરવાને બદલે સપ્લાય માટે વાટાઘાટો કરતી વખતે સાથે મળીને કામ કરે અને તેમની સોદાબાજીની શક્તિમાં વધારો કરે.

ભૂતકાળમાં પણ આવા સહકારના ઉદાહરણો છે. સરકારી રિફાઈનરોએ અગાઉ પશ્ચિમ એશિયા અને પશ્ચિમ આફ્રિકાના સપ્લાયરો સાથે વધુ સારી શરતો સાથે  વાટાઘાટો કરી છે, પરંતુ ભારત માટે ખાનગી રિફાઈનરની મદદ લેવી અસામાન્ય છે.

સરકારી રિફાઇનર્સ બ્રેન્ટની સરખામણીમાં પ્રતિ બેરલ $5 કરતાં વધુ ડિસ્કાઉન્ટ પર ક્રુડ ઓઇલ  મેળવવાનો પ્રયાસ કરી રહ્યા છે, પરંતુ સૂત્રોના જણાવ્યા અનુસાર, રશિયા માત્ર $3નું ડિસ્કાઉન્ટ આપી રહ્યું છે અને વધુ ડિસ્કાઉન્ટ આપવા તૈયાર નથી. યુદ્ધ પછી, એક પ્રકારના રશિયન તેલના ભાવમાં 30 ડોલરથી વધુનું ડિસ્કાઉન્ટ મળતું હતું, જે હવે ઘટી ગયું છે.

સરકારી માલિકીની રિફાઈનર્સ પૈકી, માત્ર ઈન્ડિયન ઓઈલનો રશિયા સાથે લાંબા ગાળાનો પુરવઠો કરાર હતો, પરંતુ તે માર્ચના અંતમાં સમાપ્ત થઈ ગયો હતો અને તેલના જથ્થા અને કિંમત અંગેના કરારના અભાવને કારણે તેનું નવીકરણ (રિન્યુ) થઈ શક્યું ન હતું.