Sensex today: શેરબજારમાં સાધારણ નરમાઈ: સેન્સેક્સ 14 પોઈન્ટ ઘટ્યોઃ નિફ્ટી 26203 પર બંધ

Sensex today: શુક્રવારે, અઠવાડિયાના છેલ્લા ટ્રેડિંગ દિવસે, ભારતીય શેરબજાર થોડા નીચા સ્તરે બંધ થયું હતું. બેન્ચમાર્ક સેન્સેક્સ 14 પોઈન્ટ ઘટીને 85,707 પર બંધ થયો.  દરમિયાન, નિફ્ટી-50 13 પોઈન્ટ ઘટીને 26,203 પર બંધ થયો. રોકાણકારોની નજર બીજા ક્વાર્ટર (2026ના બીજા  ત્રિમાસ)ના જીડીપી ડેટા પર છે, જે આજે પછી જાહેર થશે. આ આંકડા દેશની આર્થિક પરિસ્થિતિનો અંદાજ આપશે. 

આજે 30 શેરો વાળા બીએસઈ સેન્સેક્સ 71 પોઈન્ટના વધારા સાથે ખુલ્યો. દિવસ દરમિયાન, ઈન્ડેક્સ 85,969.89 અને 85,577.82 પોઈન્ટના ઊંચા સ્તરે ટ્રેડ થયો. સેન્સેક્સ અંતે 13.71 પોઈન્ટ અથવા 0.02 ટકા ઘટીને 85,706.67 પોઈન્ટ પર બંધ થયો.

એ જ રીતે, નેશનલ સ્ટોક એક્સચેન્જનો નિફ્ટી-50 26,237 પર ખુલ્યો. દિવસ દરમિયાન, ઈન્ડેક્સ 26,280.75 જેટલો ઊંચો અને 26,172.40 જેટલો નીચો ટ્રેડ થયો. અંતે, નિફ્ટી-50 12.60 પોઈન્ટ અથવા 0.05% ઘટીને 26,202.95 પર બંધ થયો.

ટોપ ગેનર્સ અને લૂઝર્સ
સેન્સેક્સમાં હિન્દુસ્તાન યુનિલિવર , સન ફાર્મા, મહિન્દ્રા એન્ડ મહિન્દ્રા  અને કોટક મહિન્દ્રા બેંક સૌથી વધુ વધ્યા હતા. દરમિયાન, પાવર ગ્રીડ, ભારતી એરટેલ, એટરનલ અને ઇન્ફોસિસ સૌથી વધુ ઘટ્યા હતા.

ક્ષેત્રીય રીતે, નિફ્ટી આઇટી, રિયલ્ટી અને ઓઇલ એન્ડ ગેસ અનુક્રમે 0.11%, 0.19% અને 0.69% ઘટ્યા. તેનાથી વિપરીત, નિફ્ટી ઓટો 0.62% વધ્યો, અને નિફ્ટી ફાર્મા 0.59% વધ્યો. વ્યાપક બજારમાં, નિફ્ટી મિડકેપ 100 0.11% ઘટ્યો, અને નિફ્ટી સ્મોલકેપ 100 0.27% ઘટ્યો.

પ્રોફિટ બુકિંગથી બજાર ઘટ્યું
જીયોજિત ઈન્વેસ્ટમેન્ટ્સ લિમિટેડના રીસર્ચ વિભાગના  વડા વિનોદ નાયરે જણાવ્યું હતું કે,  "ભારતીય ઇક્વિટી બજારો મજબૂત રહ્યા, જોકે તાજેતરના વધારા પછી વ્યાપક બજારમાં કેટલીક પસંદગીયુક્ત નફા-બુકિંગ જોવા મળી હતી. ભારત-યુએસ વેપાર વાટાઘાટોમાં પ્રગતિથી બજારની ભાવના મજબૂત બની હતી."

"વધુમાં, લાર્જ-કેપ સેક્ટર્સ - ઓટો, ફાઈનાન્શિયલ અને ફાર્મા - દ્વારા મજબૂત પ્રદર્શને સકારાત્મક વલણ જાળવી રાખ્યું. વૈશ્વિક ટેક શેરોમાં સતત તેજી અને ફેડ દ્વારા દર ઘટાડાની વધતી અપેક્ષાઓએ પણ રોકાણકારોનો વિશ્વાસ વધાર્યો."

રોકાણકારોની નજર  મધ્યમ કદની આઈટી કંપનીઓ 
પીએલ કેપિટલના એડવાઇઝરી હેડ વિક્રમ કસાટના જણાવ્યા અનુસાર, નિફ્ટીઆઇટી ઈન્ડેક્સે વર્ષ-દર-વર્ષ (CYTD25)માં નિફ્ટી કરતા 25% ઓછો દેખાવ કર્યો છે. આ મુખ્યત્વે 16% P/E રેટિંગમાં ઘટાડો અને મેક્રો અર્થતંત્ર અને એઆઇની આસપાસની અનિશ્ચિતતાને કારણે છે.

કસાટે જણાવ્યું હતું કે શેરોનું પ્રદર્શન તેમના ઈપીએસ સુધારા સાથે સારી રીતે સુસંગત છે, અને મધ્યમ કદની આઇટી કંપનીઓએ આ વર્ષે મોટી કંપનીઓ કરતાં વધુ સારો દેખાવ કર્યો છે. 

જો કે ભવિષ્યમાં ગ્રોથનુ અનુમાન અસ્થિર બનેલું છે.  કંપની મેનેજમેન્ટના માર્ગદર્શન મુજબ, વૃદ્ધિ ધીમી રહેશે, જે નાણાકીય વર્ષ 27 માટે વિશ્લેષકોની અપેક્ષાઓને જોખમમાં મૂકી શકે છે. પરિણામે, P/E ગુણાંક દબાણ હેઠળ રહેશે. કસાટ રોકાણકારોને ઇન્ફોસિસ પર વિચાર કરવાની સલાહ આપે છે.

મિડકેપ અને સ્મોલકેપ સૂચકાંકોએ તેમના બેન્ચમાર્ક સૂચકાંકો કરતાં ઓછું પ્રદર્શન કર્યું. બીએસઈ મિડકેપ ફ્લેટ બંધ થયો, જ્યારે બીએસઈ સ્મોલકેપ 0.13 ટકા ઘટ્યો.

નિફ્ટી-50 કંપનીઓમાં, મહિન્દ્રા એન્ડ મહિન્દ્રાએ સૌથી વધુ 2.07 ટકાનો વધારો જોયો. આ પછી, સન ફાર્મામાં 1.18 ટકા, અદાણી એન્ટરપ્રાઇઝમાં 1.12 ટકા, આઈશર મોટર્સમાં 0.78 ટકા, ડૉ. રેડ્ડીઝમાં 0.77 ટકાનો વધારો જોવા મળ્યો.

નિફ્ટી-50 કંપનીઓમાં, એસબીઆઈ લાઈફને સૌથી વધુ નુકસાન સહન કરવું પડ્યું, જેમાં 1.93 ટકાનો ઘટાડો થયો. આ પછી, શ્રીરામ ફાઈનાન્સ 1.85 ટકા, એચડીએફસી  લાઇફ 1.74 ટકા, પાવર ગ્રીડ 1.38 ટકા, ઈટરનલ 0.88 ટકા ઘટ્યા.