શેરબજારમાં કડાકો: 5 દિવસની તેજી બાદ સેન્સેક્સ 700 પોઈન્ટથી વધુ ગગડ્યો, રોકાણકારોમાં ચિંતા
છેલ્લું અપડેટ : 19 Jun 2026
છેલ્લા 5 ટ્રેડિંગ સેશનથી (Trading Sessions) શેરબજારમાં જોવા મળી રહેલી રેકોર્ડબ્રેક તેજી પર આખરે આજે બ્રેક લાગી ગઈ છે. સપ્તાહના છેલ્લા ટ્રેડિંગ દિવસે એટલે કે શુક્રવારે, 19 જૂનના રોજ ભારતીય શેરબજારની (Indian Share Market) શરૂઆત ભારે કડાકા સાથે થઈ છે. વૈશ્વિક બજારમાંથી (Global Market) મળી રહેલા મિશ્ર સંકેતો વચ્ચે આજે બજાર ખુલતાની સાથે જ સેન્સેક્સ (Sensex) 700 પોઈન્ટથી વધુ તૂટી ગયો હતો, જ્યારે નિફ્ટી (Nifty) પણ લાલ નિશાન પર ટ્રેડ કરતો જોવા મળ્યો છે.
બજાર ખુલતાની સાથે જ શરૂ થયેલી આ વેચવાલીને કારણે સામાન્ય રોકાણકારોની (Investors) ચિંતામાં થોડો વધારો થયો છે.
ઓપનિંગ બેલ સાથે જ પ્રોફિટ બુકિંગનું ભારે દબાણ
માર્કેટના ઓપનિંગ બેલ (Opening Bell) ની સાથે જ બજારમાં જોરદાર પ્રોફિટ બુકિંગ (Profit Booking) જોવા મળ્યું હતું. છેલ્લા 5 દિવસમાં રોકાણકારોએ જે કમાણી કરી હતી, તેમાં આજે નફો વસૂલવાનું દબાણ વધતાં બજાર નીચે તરફ સરક્યું હતું. સવારે 9 વાગ્યાને 15 મિનિટની આસપાસ બજારની સ્થિતિ કંઈક આ મુજબ હતી:
-
સેન્સેક્સ (Sensex): 0.97% એટલે કે 747.08 પોઈન્ટના ભારે ઘટાડા સાથે 76,662.90 ના સ્તર પર આવી ગયો હતો.
-
નિફ્ટી 50 (Nifty 50): 0.86% એટલે કે 208.75 પોઈન્ટ તૂટીને 23,959.25 ના સ્તર પર ટ્રેડ કરતો જોવા મળ્યો હતો.
રોકાણકારોની ચિંતા કેમ વધી?
પ્રોફિટ બુકિંગનું પ્રેશર: નિષ્ણાતોના મતે, આ ઘટાડો કોઈ નકારાત્મક સમાચારને કારણે નથી પરંતુ સતત 5 દિવસની તેજી પછી બજારમાં સ્વાભાવિક રીતે આવતું પ્રોફિટ બુકિંગ પ્રેશર (Profit Booking Pressure) છે.
ગ્લોબલ માર્કેટના મિશ્ર સેન્ટિમેન્ટ્સને (Sentiments) કારણે પણ સ્થાનિક બજાર પર દબાણ ઊભું થયું છે. આગામી કલાકોમાં માર્કેટ આ લોઅર લેવલ (Lower Level) પર રિકવરી કરે છે કે ઘટાડો હજુ વધે છે, તેના પર રોકાણકારો અને ટ્રેડર્સની (Traders) નજર ટકેલી રહેશે.
