Share Market: સેન્સેક્સ-નિફ્ટીમાં તેજી, રોકાણકારોને કરોડો રૂપિયાનો ફાયદો
ભારતીય શેરબજારમાં બુધવારે તેજી જોવા મળી છે. પરિણામે રોકાણકારોને કરોડો રૂપિયાનો ફાયદો થયો છે. બીએસઇ સેન્સેક્સ 268 પોઈન્ટ ઉછળી
ભારતીય શેરબજારમાં બુધવારે તેજી જોવા મળી છે. પરિણામે રોકાણકારોને કરોડો રૂપિયાનો ફાયદો થયો છે. બીએસઇ સેન્સેક્સ 268 પોઈન્ટ ઉછળીને 74221 પોઈન્ટના સ્તરે બંધ રહ્યો હતો, જ્યારે નિફ્ટી 69 પોઈન્ટના વધારા સાથે 22598 પોઈન્ટના સ્તરે બંધ થવામાં સફળ રહ્યો હતો.
સેન્સેક્સના ટોપ ગેઇનર્સ અને લૂઝર્સ
શેરબજારના ટોપ ગેઇનર્સ વિશે વાત કરીએ તો, તેમાં સિપ્લા, ટાટા કન્ઝ્યુમર, એચયુએલ, કોલ ઇન્ડિયા, બ્રિટાનિયા અને રિલાયન્સના શેરનો સમાવેશ થાય છે.જ્યારે નબળા શેરોમાં એપોલો હોસ્પિટલ, એસબીઆઇ, હિન્દાલ્કો, હીરો મોટોકોર્પ, એચડીએફસી લાઈફ અને જેએસડબલ્યુ સ્ટીલના શેર સામેલ હતા. શેરબજારમાં આવેલી તેજી વચ્ચે કોલ ઈન્ડિયા લિમિટેડ અને પાવર ગ્રીડના શેર 52 સપ્તાહની ટોચે પહોંચી ગયા છે.
આ શેર લીલા નિશાને થયા બંધ
શેરબજારના તેજીના સમયગાળા દરમિયાન, ભારત ઇલેક્ટ્રોનિક્સ લિમિટેડના શેરમાં વધારો નોંધાયો હતો. આ સાથે ઈન્ફોસીસ, એશિયન પેઈન્ટ્સ, લાર્સન, એચડીએફસી બેંક, ટીસીએસ, વિપ્રો, કોટક મહિન્દ્રા બેંક અને એચસીએલ ટેકના શેરમાં નજીવો વધારો નોંધાયો હતો.
અદાણી ગ્રૂપની 10 કંપનીઓમાંથી 8ના શેરમાં વધારો નોંધાયો
બુધવારે શેરબજારમાં લિસ્ટેડ ગૌતમ અદાણી ગ્રૂપની 10 કંપનીઓમાંથી 8ના શેરમાં વધારો નોંધાયો હતો જ્યારે બે શેરમાં ઘટાડો નોંધાયો હતો. એનડીટીવીનો શેર ચાર ટકાથી વધુ વધ્યો હતો, જ્યારે અદાણી વિલ્મરનો શેર એક ટકાની નબળાઈએ બંધ થયો હતો.
