NPS વાત્સલ્ય Vs PPF: સારું રિટર્ન મેળવવા માટે કઈ સ્કીમ રહેશે બેસ્ટ, અહીં સમજો આખું કેલક્યુલેશન

નાણામંત્રીએ હાલમાં જ બાળકો માટે NPS વાત્સલ્ય યોજના શરૂ કરી છે. આ યોજના ખાસ બાળકો માટે શરૂ કરવામાં આવી છે. આ યોજનામાં માતા-પિતા તેમના બાળકો માટે રોકાણ કરશે જે પછીથી બાળકોને ઉપયોગી થશે.

NPS વાત્સલ્ય યોજના વિશે

આ યોજના હેઠળ 18 વર્ષથી ઓછી ઉંમરના બાળકો માટે NPS એકાઉન્ટ ખોલાવી શકાય છે. એકાઉન્ટ ખોલવા માટે ઓછામાં ઓછું 1,000 રૂપિયાનું રોકાણ કરવું પડશે. આ યોજનામાં મહત્તમ રોકાણની કોઈ મર્યાદા નથી. રોકાણના 3 વર્ષ પછી આ સ્કીમમાં આંશિક ઉપાડ કરી શકાય છે. આંશિક ઉપાડ માત્ર શિક્ષણ અથવા સારવાર માટે જ કરી શકાય છે. જો સ્કીમ મેચ્યોર થશે તો તેને આગળ વધારી શકાય છે. ઉલ્લેખનીય છે કે, આ સ્કીમ 18 વર્ષ પછી મેચ્યોર થાય છે.

જો NPS વાત્સલ્ય યોજનાના ફંડમાં રકમ 2.5 લાખ રૂપિયાથી ઓછી છે, તો તમે સંપૂર્ણ ઉપાડ કરી શકો છો. પરંતુ, જો તે 2.5 લાખ રૂપિયાથી વધુ હોય, તો માત્ર 20 ટકા જ ઉપાડી શકાય છે. તમે બાકીની 80 ટકા રકમ સાથે વાર્ષિકી ખરીદી શકો છો. તમારા બાળકને 60 વર્ષ પછી વાર્ષિકી રકમમાંથી પેન્શન લાભ મળવાનું શરૂ થશે. ઘણા રોકાણકારો પોસ્ટ ઓફિસની NPS વાત્સલ્ય અને PPF સ્કીમ વિશે મૂંઝવણમાં છે. આ બેમાંથી કઈ યોજના વધુ સારું વળતર આપશે? કઈ સ્કીમમાં રોકાણ કરવાથી ટૂંક સમયમાં કરોડો રૂપિયાનું ફંડ જનરેટ થશે. આવા અનેક પ્રશ્નો મનમાં ઉઠી રહ્યા છે. અમે તમને જણાવીશું કે, આ બેમાંથી કઈ સ્કીમ ટૂંક સમયમાં કરોડો રૂપિયાનું ફંડ જનરેટ કરશે.

કઈ સ્કીમ તમને જલ્દી કરોડપતિ બનાવશે?

જો તમે NPS વાત્સલ્યમાં વાર્ષિક રૂ. 10,000 જમા કરો છો, તો 18 વર્ષ સુધી સતત રોકાણ કર્યા પછી, તમે કુલ રૂ. 5 લાખનું રોકાણ કર્યું છે. તમને આ રોકાણ પર લગભગ 10 ટકા વાર્ષિક વળતર મળશે. જો 60 વર્ષ સુધી ફંડમાંથી કોઈ ઉપાડ નહીં કરવામાં આવે તો કુલ રૂ. 2.75 કરોડનું ફંડ જનરેટ થશે. જ્યારે જો તમે PPFમાં વાર્ષિક રૂ. 1.5 લાખનું રોકાણ કરો છો અને જો તમે 25 વર્ષ સુધી સતત રોકાણ કરો છો, તો તમારું કુલ ભંડોળ રૂ. 1,03,08,015 થશે. ઉલ્લેખનીય છે કે હાલ PPF સ્કીમમાં 7.1 ટકા વ્યાજ આપવામાં આવી રહ્યું છે.