નિફ્ટીએ 25,500નું રજિસ્ટન્સ તોડ્યું, ડેઇલી ચાર્ટ પર લાંબી બુલ કેન્ડલ બનાવીઃ જાણો સોમવારે નિફ્ટીમાં શું કરવું?

નિફ્ટીએ શુક્રવારે એકદમ તોફાની ચાલ દર્શાવી હતી અને ઉપરના તમામ લેવલો તોડ્યા હતાં. નિફ્ટીનું ક્લોઝિંગ 25,791ના લેવલ પર થયું હતું. આ દરમિયાન તેમાં 375 પોઇન્ટની તેજી રહી હતી. આ ગાળા દરમિયાન નિફ્ટીએ પોતાના મજબુત રજિસ્ટન્સ 25,500ના લેવલને મોટા વોલ્યુમની મદદથી તોડ્યું હતું. 

નિફ્ટીએ ડેઇલી ચાર્ટ પર એક લાંબી તેજીની એટલે કે બુલ કેન્ડલ બનાવી છે. જે છેલ્લા ચાર પાંચ કારોબારી સત્રમાં જોવા મળી છે, જે રેન્જ મૂવમેન્ટના નિર્ણાયક અપસાઇડ બ્રેક આઉટનો સંકેત આપે છે. નિફ્ટીએ રેન્જની સાથે સાથે 25,500ના સ્તરની આસપાસ ટ્રેન્ડલાઇન રજિસ્ટન્સ પણ તોડ્યું છે. 

એચડીએફસી સિક્યોરિટીઝના નાગરાજ શેટ્ટીએ જણાવ્યું કે, નિફ્ટીને 25,650ના લેવલે તત્કાળ સપોર્ટ મળશે. ડેઇલી ચાર્ટ પર એક લાંબી બુલ કેન્ડલની રચનાએ આકાર લીધો છે. નિફ્ટીનો શોર્ટ ટર્મ ટ્રેન્ડ તેજીથી પોઝિટીવ સુધીની રેન્જનો છે. શુક્રવારના એક સત્રમાં તેજી બાદ આગળ વધતા પહેલા શોર્ટ ટર્મ કોન્સોલિડેશનની સંભાવના છે. આગળનું અપસાઇડ ટાર્ગેટ 26,250ની આસપાસ જોવા મળે તેવી શક્યતા છે. 

ઓપન ઇન્ટરેસ્ટ એટલે કે ઓઆઇ ડેટામાં કોલ સાઇડ ઓઆઇ ઉંચુ 25,800 અને 26,000 સ્ટ્રાઇક પ્રાઇસ પર જોવા  મળ્યું હતું. જ્યારે પુટ સાઇડ પર ઊંચુ ઓઆઇ 25,700 સ્ટ્રાઇડ પ્રાઇસ પર છે. ત્યારબાદ 25,600 અને 25,800 સ્ટ્રાઇક પ્રાઇસ પર છે. 

હવે નિફ્ટીમાં કેવી રીતે ટ્રેડ કરશો?

શેરખાનના જતિન કેડિયાનું કહેવું છે કે, નિફ્ટીના ડેઇલી ચાર્ટ પર આપણે જોઇ શકીએ છીએ કે, નિફ્ટી 24200-24150 રેન્જની આસપાસ કોન્સોલિડેટ થઇ રહી છે, જ્યાં 40 દિવસની એવરેજ રાાખવામાં આવી છે. શોર્ટ ટર્મમાં 23,890-23600ના ટાર્ગેટ માટે વેચવાની તકના રૂપે ઉપયોગ કરવી જોઇએ.ઉપરની તરફ નિફ્ટીમાં 24300 શોર્ટ ટર્મથી ઇમિજિયેટ રજિસ્ટન્સ છે.

જેએમ ફાયનાન્સિયલ અને બ્લિન્કએક્સના તેજસ શાહનું કહેવું છે કે, નિફ્ટી ઇન્ડેક્સ પણ આ સપ્તાહે 25500-550ના મહત્ત્વપૂર્ણ રજિસ્ટન્સ ઝોનની ઉપરના લેવલે બંધ થયો અને અમને આશા છે કે, ઉપરની તરફનો ટ્રેન્ડ જળવાઇ રહેશે. નિફ્ટીના હાલના સ્તરોથી સતત 26,000ના આગલા મનોવૈજ્ઞાનિક રજિ્સ્ટન્સ તરફ વધવો જોઇએ અથવા નજીવા ઘટાડા બાદ એ તરફ જવો જોઇએ, 

નિફ્ટી માટે 25,700 અને 25,500-55-ના સ્તરે સપોર્ટ દેખાઇ રહ્યો છે. ઉપરના લેવલે આગળનં મનોવૈજ્ઞાનિક સ્તર 26,000 પોઇન્ટ પર છે. કુલ મળીને શુ્ક્રવારના કારોબારી સત્રના આધારે નિફ્ટીમાં વધુ મજબુતિની આશા રાખી શકાય.