Auto News : પરિવાર માટે તમારા બજેટમાં કાર ખરીદવી છે? 8 લાખ રૂપિયાથી ઓછી કિંમતમાં બેસ્ટ છે આ 5 વિકલ્પો
છેલ્લું અપડેટ : 17 Apr 2025
મધ્યમ વર્ગ માટે કાર ખરીદવી એક સપના જેવું હોય છે. આવી સ્થિતિમાં જો તમારો પરિવાર નાનો છે અને તમે મર્યાદિત બજેટમાં કાર ખરીદવા માંગો છો. તો પછી તમે ફક્ત 8 લાખ રૂપિયાથી ઓછી કિંમતે આ 5 કારના વિકલ્પો જોઈ શકો છો. આમાં મારુતિથી લઈને ટાટા મોટર્સ સુધીની કારનો સમાવેશ થાય છે.
Tata Tiago
ટાટા મોટર્સની આ એન્ટ્રી લેવલ કાર, ટાટા ટિયાગોની કિંમત 4.99 લાખ રૂપિયાથી શરૂ થાય છે. આમાં તમને પેટ્રોલ, સીએનજી અને ઇલેક્ટ્રિકનો વિકલ્પ મળે છે. આ કાર 1.2 લિટરનું એન્જિન સાથે આવે છે. આ કાર પેટ્રોલ પર પ્રતિ લિટર 19.8 કિમી સુધીની માઈલેજ આપે છે. જ્યારે CNG પર તેનું માઇલેજ 28 કિમી હોવાનો દાવો કરવામાં આવે છે.
Hyundai Grand i10 Nios
હ્યુન્ડાઇ મોટર ઇન્ડિયાની આ હેચબેક કાર પરિવાર માટે પણ એકદમ યોગ્ય માનવામાં આવે છે. આમાં તમને 1.2 લિટરનું એન્જિન મળે છે. પેટ્રોલ પર તેની દાવો કરાયેલી માઇલેજ 18 કિમી પ્રતિ લિટર છે. જ્યારે તેના CNG વર્ઝનમાં તમને 27 કિમી સુધીની માઇલેજ મળવાનો દાવો કરવામાં આવે છે. તેની કિંમત 5.92 લાખ રૂપિયાથી શરૂ થાય છે.
Tata Punch
આ ટાટા મોટર્સની એન્ટ્રી લેવલ SUV કાર છે. નાના પરિવાર માટે સારી હોવા ઉપરાંત આ કારમાં તમને SUV જેવો અનુભવ પણ મળશે. આ કાર પેટ્રોલ, સીએનજી અને ઇવી વિકલ્પોમાં આવે છે. આમાં તમને 1.2 લિટરનું પેટ્રોલ એન્જિન મળે છે. આ કાર પેટ્રોલ પર 20 કિમી અને CNG પર 27 કિમીનું માઇલેજ આપે છે. તેની કિંમત 6.19 લાખ રૂપિયાથી શરૂ થાય છે.
Nissan Magnite
નિસાન મેગ્નાઈટ પણ પરિવાર માટે સારી કાર છે. આમાં તમને 1.0 લિટરનું એન્જિન મળે છે. તેની શરૂઆતની કિંમત 6.14 લાખ રૂપિયાથી શરૂ થાય છે. આ એક એવી કાર છે જે પ્રતિ લિટર 19.9 કિમી સુધીની માઈલેજ આપે છે.
Maruti Swift
આ મારુતિ સુઝુકી ઇન્ડિયાની સૌથી વધુ વેચાતી હેચબેક કારમાંની એક છે. આમાં તમને 1.2 લિટરનું એન્જિન મળે છે. તેની કિંમત 6.49 લાખ રૂપિયાથી શરૂ થાય છે. 2024માં કંપનીએ તેનું નેક્સ્ટ જનરેશન મોડેલ લોન્ચ કર્યું છે. આ કાર પેટ્રોલ પર 24 કિમીથી વધુ અને CNG પર 32 કિમીથી વધુ માઇલેજ આપે છે.
