Tech News: શું ઓટોમેટિક તમારા ફોનનો પણ લુક બદલાઈ ગયો? તો આ સ્ટેપ્સથી ફરી મેળવો જૂનો દેખાવ
છેલ્લું અપડેટ : 24 Aug 2025
આજકાલ એન્ડ્રોઇડ યુઝર્સ એક મોટી સમસ્યાનો સામનો કરી રહ્યા છે. તેનું કારણ ફોનનું નવું ડાયલર છે. જો તમે પણ એન્ડ્રોઇડ યુઝર છો, તો તમને પણ ખબર હશે કે હાલમાં અપડેટ બટન દબાવ્યા વિના ફોનમાં કોલ અને ડાયલર સ્ક્રીન સંપૂર્ણપણે બદલાઈ ગઈ છે. વાસ્તવમાં, ગૂગલનું Material 3 Expressive Redesign ફોન એપ પર શાંતિથી રોલઆઉટ કરવામાં આવી રહ્યું છે. કંપનીનો ઉદ્દેશ્ય ફોનને આધુનિક દેખાવ અને સરળ નેવિગેશન આપવાનો છે, પરંતુ જે રીતે આ અપડેટ અચાનક થયું છે અને દરેક ફોનમાં આપમેળે ઇન્સ્ટોલ થઈ રહ્યું છે, તેનાથી લોકો સોશિયલ મીડિયા પર તેના પ્રત્યે ગુસ્સો વ્યક્ત કરી રહ્યા છે, અને નવા દેખાવથી ખૂબ નારાજ પણ છે.
નવું શું છે?
Favourites અને Recents હવે પહેલાની જેમ અલગ ટેબમાં નથી, પરંતુ Home Tabમાં મર્જ કરવામાં આવ્યા છે. અહીં કોલ હિસ્ટ્રી અને ટોપ કોન્ટક્ટ એક લાઇનમાં એકસાથે દેખાય છે. ઉપરાંત Keypad હવે તેના પોતાના ટેબમાં છે, જેમાં પહેલા કરતા વધુ ગોળાકાર બટનો આપવામાં આવ્યા છે. આ ઉપરાંત Contacts મેનૂ હવે સીધું દેખાતું નથી, પરંતુ સર્ચ બાર સાથે જોડાયેલા નેવિગેશન ડ્રોઅરમાં છુપાયેલું છે.
આ ઉપરાંત Incoming Call Screenમાં iOSની જેમ, હવે ડાબે-જમણા બંને બાજુથી કોલ રિસીવ અથવા રિજેક્ટ કરી શકાય છે. જોકે, સેટિંગ્સમાં જઈને ક્લાસિક સિંગલ ટેપ વિકલ્પ પણ પસંદ કરી શકાય છે.
કોલ દરમિયાન બધા બટનો હવે ગોળી આકારના આઇકોન તરીકે દેખાય છે. તેમજ લાલ રંગનું એન્ડ કોલ બટન પહેલા કરતાં વધુ હાઇલાઇટ અને ધ્યાન ખેંચે તેવું બન્યું છે.
લોકોને શા માટે સમસ્યાઓનો સામનો કરવો પડી રહ્યો છે?
સૌથી મોટી સમસ્યા એ છે કે વપરાશકર્તાઓએ પોતે એપ અપડેટ કરી ન હતી, પરંતુ તેમ છતાં તેનું ડાયલર અચાનક બદલાઈ ગયું. ઘણા લોકો તેને આકર્ષક અને આધુનિક કહી રહ્યા છે, જ્યારે કેટલાક માને છે કે તે ખૂબ મોટી, બિનજરૂરી અને ધ્યાન ભંગ કરતી ડિઝાઇન છે.
સોશિયલ મીડિયા પર ચર્ચા છે કે ગૂગલે પરવાનગી આપ્યા વિના આટલો મોટો ફેરફાર કેમ કર્યો.
ગૂગલની નવી Phone App રીડિઝાઇનનો હેતુ સ્પષ્ટપણે યુઝર અનુભવને નવો દેખાવ આપવાનો છે, પરંતુ દરેકને આ અચાનક ફેરફાર પસંદ નથી આવી રહ્યો. એક તરફ, તેને iOS જેવો પ્રીમિયમ લુક માનવામાં આવી રહ્યો છે, તો બીજી તરફ, ઘણા યુઝર્સ તેને અનિચ્છનીય ફેરફાર કહી રહ્યા છે.
જો તમે જૂનો દેખાવ અને ડાયલર પાછો ઇચ્છો છો તો કેટલાક સરળ સ્ટેપ્સ ફોલો કરો
આ માટે પહેલા Settingsમાં જાઓ.
તે પછી Appsમાં જાઓ અને Phone પર ટેપ કરો.
તે પછી Force Stop કરો.
પછી સ્ટોરેજમાં જાઓ અને Cache પર ક્લિક કરો.
પછી ત્રણ ડોટ પર જાઓ અને Uninstall Update પર ટેપ કરો.