Smartphone Tricks / તમારા ફોનનો ડેટા ઝડપથી ખતમ નહીં થાય, બસ બદલવા પડશે આ સેટિંગ્સ

તમને દરરોજ 1 GB ડેટા મળે કે 2 GB ડેટા, જો તે આખો દિવસ ચલાવવા માટે પુરતું નથી, તો તમારા ફોનમાં કેટલાક સેટિંગ્સ બદલવા પડશે. આ પછી, ફોનનો ડેટા આખો દિવસ ચાલશે. આ માટે તમારે તમારા મોબાઈલ અને આ એપ્લીકેશન્સના સેટિંગ્સમાં ફેરફાર કરવો પડશે. અહીં જાણો કે તમે તમારા ફોનનો ડેટા કેવી રીતે બચાવી શકો છો અને ફોટોની એપ, ઇન્સ્ટાગ્રામ અને મોબાઇલમાં તમે કઈ સેટિંગ્સ કરી શકો છો. 

ડેટા બચાવવા માટે આ સેટિંગ્સ બદલો

આ માટે, સૌ પ્રથમ તમારા ફોનમાં સેટિંગ્સમાં જાઓ, અહીં નેટવર્ક અને ઈન્ટરનેટના ઓપ્શન પર ક્લિક કરો, આ ઓપ્શન અલગ-અલગ ફોનમાં અલગ નામ હોઈ શકે છે. અહીં ડેટા સેવર મોડ પસંદ કરો, હવે ડેટા સેવરને ઈનેબલ કરો.

ફોટો એપ્લિકેશનમાં સેટિંગ્સ

ઉપર જણાવેલ ડેટા સેવર ટ્રીકને ફોલો કર્યા પછી, તમારા ફોનમાં ફોટોની એપ અથવા ગેલેરી ખોલો. અહીં તમારી પ્રોફાઇલ પર ક્લિક કરો અને સેટિંગ્સ વિકલ્પ પર જાઓ. અહીં બેકઅપ પર જાઓ, નીચે સ્ક્રોલ કરો અને મોબાઈલ ડેટા યુસેજ પર ક્લિક કરો. તેમાં પ્રથમ ઓપ્શન બંધ કરો.

WhatsApp સેટિંગ્સ 

ઉપરોક્ત બે સેટિંગ્સને કર્યા પછી, WhatsApp ખોલો, અહીં ત્રણ ડોટ્સ પર ક્લિક કરો અને સેટિંગ્સમાં જાઓ. સ્ટોરેજ અને ડેટા પર ક્લિક કરો, જ્યારે 'વેન યુઝીંગ મોબાઈલ ડેટા' ઓપ્શન પર ક્લિક કરો. અહીં 4-5 વિકલ્પો બતાવવામાં આવશે, જેમ કે ફોટો, વીડિયો અને અન્ય, આ બધું બંધ કરો. આમ કરવાથી તમારી WhatsApp ચેટ પર આવેલા ફોટો અને વીડિયો ઓટો ડાઉનલોડ નહીં થાય.

ફોન સેટિંગ્સ

તમારા ફોનના સેટિંગમાં જાઓ, સર્ચ બારમાં ડેટા યુસેજ ટાઈપ કરીને સર્ચ કરો, એડવર્ટાઈઝમેન્ટ પર ટેપ કરો, પછી એપ ડેટા યુસેજ પર ક્લિક કરો, અહીં બેકગ્રાઉન્ડમાં ડેટાનો ઉપયોગ કરતી તમામ એપ્સ બતાવવામાં આવશે, તમે એક પછી એક એપ્સ બંધ કરી શકો છો.