જોડિયામાં બહેનને સાસરે તેડી જવા બાબતે ભાઈ પર ગુપ્તી-ધોકાથી હુમલો

જોડિયા તાલુકાના ભાદરા ગામે સાતમ-આઠમના તહેવાર દરમિયાન બહેનને વધુ દિવસ રોકાવા દેવાની વાતે થયેલા વિવાદમાં બનેવી અને તેના ભાઈએ રાજેશભાઈ પરમાર પર ગુપ્તી અને ધોકાથી હુમલો કર્યો હતો. હુમલામાં રાજેશભાઈને માથા, બંને હાથની આંગળીઓ, હથેળી, છાતી અને ડાબા પડખામાં ગંભીર ઇજાઓ થતાં જામનગરની જી.જી. હોસ્પિટલમાં ખસેડાયા છે. પોલીસે કાળુભાઈ માવજીભાઈ રાણવા અને જગદીશભાઈ માવજીભાઈ રાણવા વિરુદ્ધ ગુનો નોંધી તપાસ હાથ ધરી છે.

સમાચાર

જોડિયામાં બહેનને સાસરે તેડી જવા બાબતે ભાઈ પર ગુપ્તી-ધોકાથી હુમલો

જોડિયા તાલુકાના ભાદરા ગામે સાતમ-આઠમના તહેવાર દરમિયાન બહેનને વધુ દિવસ પિયર રોકાવા દેવા અંગે થયેલા વિવાદમાં બે શખ્સોએ એક યુવક પર ગુપ્તી અને ધોકાથી હુમલો કર્યાની ઘટના સામે આવી છે.

મળતી માહિતી મુજબ, ભાદરા ગામે રહેતા રાજેશભાઈ પરમારની બહેનને સાસરે મોકલવા અંગે વાતચીત દરમિયાન વિવાદ થયો હતો. આ દરમિયાન કાળુભાઈ માવજીભાઈ રાણવા અને જગદીશભાઈ માવજીભાઈ રાણવા દ્વારા રાજેશભાઈ પર ગુપ્તી તથા ધોકાથી હુમલો કરવામાં આવ્યો હોવાનો આક્ષેપ છે.

હુમલામાં રાજેશભાઈને માથા, બંને હાથની આંગળીઓ, હથેળી, છાતી તેમજ ડાબા પડખામાં ઈજાઓ થઈ હતી. ગંભીર ઇજાઓને પગલે તેમને સારવાર માટે જામનગરની જી.જી. હોસ્પિટલમાં ખસેડવામાં આવ્યા હતા.

આ બનાવ અંગે પોલીસે કાળુભાઈ માવજીભાઈ રાણવા અને જગદીશભાઈ માવજીભાઈ રાણવા વિરુદ્ધ ગુનો નોંધી વધુ તપાસ હાથ ધરી છે.