VIDEO: ફણસની સિઝન જામી! દક્ષિણ ભારતના બજારોમાં ફણસની મબલખ આવક, ઉત્પાદન વધતા ભાવમાં થયો ઘટાડો

VIDEO: દક્ષિણ ભારતનું સ્વાદિષ્ટ અને લોકપ્રિય ફળ ગણાતા ફણસની સિઝન હવે જામી છે. તમિલનાડુના થૂથુકુડીના બજારોમાં અત્યારે જ્યાં જુઓ ત્યાં ફણસના ઢગલે-ઢગલા જોવા મળી રહ્યા છે. રાજ્યના વિવિધ જિલ્લાઓમાંથી ફણસની ભારે આવક થતાં ફણસના ભાવમાં પણ ઘટાડો થયો છે.

તમિલનાડુના થૂથુકુડી જિલ્લાના મુખ્ય બજારોમાં હાલમાં ફળોના રાજા ગણાતા ફણસની ભારે આવક જોવા મળી રહી છે. બજારના દરેક ખૂણે ફણસના મોટા મોટા ઢગલાઓ નજરે પડી રહ્યા છે, જેના કારણે ખરીદદારોની ભારે ભીડ ઉમટી રહી છે.

થૂથુકુડીના બજારમાં મુખ્યત્વે પનરુતિ, તાંજાવુર અને પુદુક્કોટ્ટઈ જેવા વિસ્તારોમાંથી ફણસનો જથ્થો સપ્લાય કરવામાં આવી રહ્યો છે. આ વિસ્તારો તેમના ઉચ્ચ ગુણવત્તાવાળા ફણસ માટે જાણીતા છે.વેપારીઓના જણાવ્યા અનુસાર, આ વર્ષે અનુકૂળ હવામાનને કારણે ફણસનું ઉત્પાદન ખૂબ જ સારું થયું છે. ઉત્પાદનમાં વધારો થવાને કારણે બજારમાં ફણસનો મબલખ સ્ટોક ઉપલબ્ધ છે.