VIDEO / અનંત અંબાણીના લગ્નનું કાર્ડ થયું વાયરલ, વરરાજા જાતે સોના-ચાંદીથી બનેલું આમંત્રણ કાર્ડ આપવા  નીકળ્યા 

બિઝનેશ ટાયફૂન મુકેશ અંબાણી અને નીતા અંબાણીના ઘરે લગ્નની તૈયારીઓ પૂરજોશમાં ચાલી રહી છે. તેમના નાના પુત્ર અનંત અંબાણી 12 જુલાઈના રોજ તેની મંગેતર રાધિકા મર્ચન્ટ સાથે લગ્ન કરશે. તે 12 જુલાઈએ મુંબઈમાં Jio વર્લ્ડ કન્વેન્શન સેન્ટર ખાતે સાત ફેરા લેશે. આ પહેલા તેમણે ગુજરાતના જામનગરમાં પહેલા પ્રી-વેડિંગ પાર્ટી અને પછી ક્રુઝ પર બીજી પ્રિ વેડિંગ પાર્ટીનું આયોજન કર્યું હતું. હવે આખો અંબાણી પરિવાર લગ્નની તૈયારીમાં વ્યસ્ત છે. નીતા અંબાણીએ કાશીમાં બાબા વિશ્વનાથના ચરણોમાં તેમના પુત્રના લગ્ન માટેનું પહેલું આમંત્રણ કાર્ડ આપ્યું હતું, ત્યારબાદ અનંત તેમના ખાસ મિત્રો અને મહેમાનોને આમંત્રણ આપવા માટે નીકળી પડ્યા છે. અજય દેવગન પછી હવે તે અક્ષય કુમારના ઘરે જઈ  ચાંદીથી બનેલું મંદિર જેવું લગ્નનું કાર્ડ આપ્યું. સોશિયલ મીડિયા પર લગ્નના કાર્ડનો વીડિયો વાયરલ થયો છે, જેમાં ભગવાન શિવ, ગણેશ અને રામની મૂર્તિઓ છે.

લગ્ન સમારોહ 12મી જુલાઈએ શરૂ થશે

મળતી માહિતી મુજબ, અનંત અંબાણી અને રાધિકા મર્ચન્ટના લગ્ન સમારોહ 12મી જુલાઈએ શરૂ થશે અને 14મીએ સમાપ્ત થશે. આ ઉજવણીમાં દેશની મોટી હસ્તીઓ ભાગ લેશે. અનંત પોતે પોતાના લગ્ન માટેના આમંત્રણો વહેંચવા નીકળી પડ્યા છે. પહેલા તે અજય દેવગનના ઘરે પહોંચ્યો અને પછી અક્ષય કુમારના ઘરેથી નીકળતી વખતે તેની તસવીર સામે આવી છે.

અનંત અને રાધિકાના લગ્નનું કાર્ડ સોશિયલ મીડિયા પર વાયરલ થઈ રહ્યું છે, જે ખૂબ જ અનોખું છે. તેમાં ઘણા હિંદુ દેવી-દેવતાઓની મૂર્તિઓ અને ફ્રેમ્સ છે. તે ચાંદીના નાના મંદિર જેવું લાગે છે. બોક્સ ખોલતાની સાથે જ બેકગ્રાઉન્ડમાં એક હિન્દી મંત્ર વાગવા લાગે છે.

આ કાર્યક્રમ 12 થી 14 જુલાઈ સુધી ચાલશે

કહેવામાં આવી રહ્યું છે કે પહેલા દિવસે એક શુભ લગ્ન સમારોહ યોજાશે. આ ખાસ દિવસ માટે ભારતીય પરંપરાગત ડ્રેસ કોડ છે. બીજા દિવસે 13મીએ આશીર્વાદ સમારોહ યોજાશે, જેમાં મહેમાનોએ ભારતીય ઔપચારિક ડ્રેસ પહેરીને આવવાનું રહેશે. 14મી જુલાઈએ લગ્નનું રિસેપ્શન અને મંગલ ઉત્સવ થશે. આ ફંક્શનમાં ભારતીય ચીક ડ્રેસ કોડ છે.

અનંત અને રાધિકાની પ્રી-વેડિંગ પાર્ટી

અગાઉ, અનંત અને રાધિકાની પ્રી-વેડિંગ પાર્ટી 1 થી 3 માર્ચ દરમિયાન ગુજરાતના જામનગરમાં યોજાઈ હતી, જેમાં માત્ર દેશ જ નહીં પરંતુ વિદેશી સ્ટાર્સ પણ હાજર રહ્યા હતા. ગ્લોબલ પોપ સ્ટાર રિહાન્નાએ જબરદસ્ત પરફોર્મન્સ આપ્યું હતું. આ પછી 29મી મેથી 1લી જૂન સુધી ક્રુઝ પાર્ટી થઈ, જે ઈટાલીમાં પૂરી થઈ. આ પાર્ટીમાં દુનિયાભરની જાણીતી હસ્તીઓએ હાજરી આપી હતી. એવું કહેવામાં આવ્યું હતું કે આ પાર્ટી 7500 કરોડ રૂપિયાના ક્રૂઝ પર થઈ હતી.