VIDEO: 'હવે આપઘાતનો જ રસ્તો રહી ગયો છે...', એશિયન ગેમ્સથી બહાર થતાં દિવ્યાંશીનો ભાવુક VIDEO

એશિયન ગેમ્સ  માટે ભારતીય વુશુ ટીમમાં પસંદ કરાયેલી ખેલાડી દિવ્યાંશી ચૌધરીનો એક અત્યંત ભાવનાત્મક વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં દિવ્યાંશીએ રડતાં-રડતાં જણાવ્યું છે કે ફિટનેસનું કારણ આગળ ધરીને તેને છેલ્લી ઘડીએ ટીમમાંથી બહાર કરી દેવામાં આવી છે. વીડિયોમાં દિવ્યાંશીએ પસંદગી પ્રક્રિયા પર ગંભીર સવાલો ઉઠાવ્યા છે. તેણે દાવો કર્યો છે કે જૂન મહિનામાં યોજાયેલા ફાઇનલ સિલેક્શન ટ્રાયલ્સ દરમિયાન તેણે 60 કિલોગ્રામ ભારવર્ગમાં રોશિબીના દેવીને બે વખત હરાવી હતી. છતાં, તેને બાકાત રાખીને રોશિબીનાને ટીમમાં સામેલ કરવામાં આવી છે. પોતાના સંઘર્ષ અને અન્યાયની આ કહાની વર્ણવતા દિવ્યાંશીએ ભાવુક થઈને કહ્યું કે હવે તેના જીવનનો કોઈ હેતુ બચ્યો નથી અને તેણે આત્મહત્યા કરવાની પણ વાત કરી છે. આ ઘટનાએ રમતગમત જગતમાં ખેલાડીઓની માનસિક સ્થિતિ અને પસંદગીમાં પારદર્શિતા સામે ગંભીર સવાલો ઉભા કર્યાં છે.