VIDEO: સિટી બસના 16 અનધિકૃત રૂટ બંધ કરવા ST વિભાગની કડક નોટિસ

મહેસાણામાં સિટી બસના અનધિકૃત રૂટના સંચાલન મામલે ST વિભાગે મહેસાણા મહાનગરપાલિકાને કડક નોટિસ પાઠવતાં મનપા તંત્રમાં હડકંપ મચ્યો છે. અગાઉ મંજૂર કરાયેલા 8 રૂટ સિવાય મનપા દ્વારા વધુ 16 રૂટ શરૂ કરાતા ST વિભાગે આ તમામ રૂટ તાત્કાલિક બંધ કરવા તાકીદ કરી છે. નિયમોનું પાલન નહીં થાય તો મનપાને અપાયેલી NOC રદ કરવાની પણ ચીમકી ST વિભાગે આપી છે. ST વિભાગીય પરિવહન અધિક્ષક હેતલબેન પટેલે આ મામલે કડક વલણ અપનાવ્યું છે, જ્યારે મનપાના ડેપ્યુટી કમિશનર એ.બી. મંડોરીએ NOC અંગે કોઈ વિવાદ ન હોવાનો દાવો કર્યો છે.