VIDEOS / ઢોલ-નગારા વગાડ્યા, ફટાકડા ફોડ્યા, અંબાણી પરિવારે જામનગરમાં ઉજવ્યો સલમાન ખાનનો જન્મદિવસ

બોલિવૂડ સુપરસ્ટાર સલમાન ખાને શુક્રવારે પોતાનો જન્મદિવસ શાનદાર અંદાજમાં ઉજવ્યો. અંબાણી પરિવારે ગુજરાતના જામનગરમાં ભાઈજાનનો જન્મદિવસ ભવ્ય રીતે ઉજવ્યો હતો. સલમાનના જન્મદિવસ નિમિત્તે અંબાણીએ જામનગરમાં દિવાળીની ઉજવણી કરી હતી અને ફટાકડા ફોડ્યા હતા. તેનો વીડિયો હાલ સોશિયલ મીડિયા પર વાયરલ થઈ રહ્યો છે.

આ પણ વાંચો: 2013માં કરી 300 કરોડની કમાણી, હવે ફરી થિયેટરમાં આવી રહી છે દીપિકા-રણબીરની ફિલ્મ

જામનગરમાં સલમાનનું ઢોલ-નગારા સાથે સ્વાગત

તમને જણાવી દઈએ કે, સલમાન ખાન તેની બહેન અર્પિતાના ઘરે આયોજિત જન્મદિવસની પાર્ટીમાં હાજરી આપ્યા બાદ શુક્રવારે બપોરે તેના પરિવાર અને નજીકના મિત્રો સાથે જામનગર પહોંચ્યો હતો. આ દરમિયાન તેની સાથે તેની માતા સલમા ખાન, અભિનેતા રિતેશ દેશમુખ અને તેની પત્ની જેનેલિયા ડિસોઝા, નિર્માતા સાજિદ નડિયાદવાલા અને સલમાનની રુમર્ડ ગર્લફ્રેન્ડ યુલિયા વંતુર, બહેનો અલવીરા અને અર્પિતા પણ હતા. અભિનેતાની સાથે તેનો વિશ્વાસુ બોડીગાર્ડ શેરા પણ જોવા મળ્યો હતો. સુપરસ્ટારનું એરપોર્ટ પર ઢોલ-નગારા સાથે સ્વાગત કરવામાં આવ્યું હતું.

સલમાનના જન્મદિવસે અંબાણી પરિવારે જામનગરમાં દિવાળી ઉજવી

અંબાણી પરિવારે સલમાન ખાનના જન્મદિવસને ખાસ બનાવવામાં કોઈ કસર છોડી ન હતી. અંબાણીએ પાર્ટી દરમિયાન ઘણાં ફટાકડા હતા, જોકે આ કાર્યક્રમ બંધ રૂમમાં યોજાયો હતો, અંબાણી નિવાસની બહારના ફોટો અને વીડિયો ઓનલાઈન વાયરલ થયા હતા. વાયરલ પોસ્ટ અનુસાર, સલમાનની હિટ ફિલ્મોના ગીતો અને સાઉન્ડટ્રેક પણ આખી રાત વગાડવામાં આવ્યા હતા.

સલમાન ખાન અંબાણી પરિવારની ખૂબ નજીક છે

તમને જણાવી દઈએ કે અનંત અંબાણી અને રાધિકા મર્ચન્ટના લગ્ન દરમિયાન આ કપલ સલમાન ખાન સાથે બોન્ડિંગમાં જોવા મળ્યું હતું. સલમાન ખાનને ગળે લગાડવાથી માંડીને હલ્દી લગાડવા અને પછી આફ્ટર પાર્ટીમાં અભિનેતાને તેડી લેવા સુધીની બાબતો પરથી અંદાજ લગાવી શકાય છે કે સલમાન ખાન અનંત અંબાણીની ખૂબ નજીક છે. જામનગરમાં સુપરસ્ટારના જન્મદિવસની ઉજવણીએ સ્પષ્ટ કર્યું છે કે અંબાણી પરિવાર સલમાન ખાનને તેમના પરિવારનો એક ભાગ માને છે.

'સિકંદર'નું ટીઝર આજે રિલીઝ થશે

સલમાન ખાનના વર્ક ફ્રન્ટ વિશે વાત કરીએ તો, અભિનેતા તેની આગામી ફિલ્મ 'સિકંદર'માં વ્યસ્ત છે. આ ફિલ્મનું ટીઝર ભાઈજાનના જન્મદિવસે 27મી ડિસેમ્બરે રિલીઝ થવાનું હતું, પરંતુ પૂર્વ પીએમ મનમોહન સિંહના નિધનને કારણે તેને મોકૂફ રાખવામાં આવ્યું હતું. હવે તે આજે 28મી ડિસેમ્બરે રિલીઝ થશે. 'સિકંદર' વર્ષ 2025માં ઈદના અવસર પર સિનેમાઘરોમાં આવશે.