VIDEO: વડોદરામાં મેઘરાજાના આગમનથી શહેરીજનો અને ધરતીપુત્રોને રાહત

વડોદરા શહેરમાં સમી સાંજે મેઘરાજાએ એન્ટ્રી કરતા વાતાવરણમાં ઠંડક પ્રસરી ગઈ છે. શહેરના સીટી, અલકાપુરી, ગોત્રી અને રાવપુરા સહિતના વિસ્તારોમાં ધીમીધારે વરસાદ વરસી રહ્યો છે. સતત ગરમી અને અસહ્ય બફારાથી ત્રસ્ત થયેલા લોકોને આ વરસાદથી મોટી રાહત મળી છે અને નાગરિકોએ ઠંડકનો અનુભવ કર્યો છે. ધીમીધારનો વરસાદ ખેતીના પાકો માટે અત્યંત આશીર્વાદરૂપ સાબિત થશે, જેના કારણે ધરતીપુત્રોમાં પણ ખુશીની લહેર જોવા મળી રહી છે.