VIDEO: કુપવાડામાં હોમસ્ટે કોન્ક્લેવ યોજાયો

જમ્મુ-કાશ્મીરના કુપવાડામાં શુમાલી કાશ્મીર હોમસ્ટે કોન્ક્લેવ  2026નું  આયોજન કરવામાં આવ્યું હતું. સ્થાનિક સમુદાયોને સશક્ત બનાવવા અને પર્યટનને વેગ આપવાના હેતુથી આ કોન્ક્લેવ યોજાયો હતો. કાર્યક્રમમાં સ્થાનિક લોકો, હોમસ્ટે સંચાલકો અને પર્યટન ક્ષેત્ર સાથે જોડાયેલા પ્રતિનિધિઓએ ભાગ લીધો હતો. કાશ્મીરના ગ્રામ્ય વિસ્તારોમાં હોમસ્ટે સુવિધાઓને પ્રોત્સાહન આપી સ્થાનિક લોકોને રોજગારી અને આવકની તકો ઊભી કરવી તે કાર્યક્રમનો મુખ્ય ઉદ્દેશ રહ્યો હતો. કોન્ક્લેવ દરમિયાન પર્યટન વિકાસ, સ્થાનિક સંસ્કૃતિ અને આતિથ્ય ક્ષેત્રને વધુ મજબૂત બનાવવા અંગે ચર્ચા કરવામાં આવી હતી. કાર્યક્રમના દૃશ્યો અને પ્રતિભાવો પણ સામે આવ્યા છે.