VIDEO: નવસારીમાં નેશનલ હાઈવે 48 પર ઓવરલોડ ટ્રક અકસ્માતના કારણે સર્જાયો ભારે ટ્રાફિક જામ

નવસારીમાં નેશનલ હાઈવે નંબર 48 પર અમદાવાદથી મુંબઈ જતા ટ્રેક પર નિરાલી હોસ્પિટલ નજીક એક ઓવરલોડ ટ્રક અકસ્માતનો ભોગ બનતા હાઈવે પર વાહનોની લાંબી કતારો લાગી ગઈ હતી અને ભારે ટ્રાફિક જામના દશ્યો સર્જાયા હતા. આ અકસ્માતની પ્રાથમિક માહિતી મુજબ ટ્રક ઓવરલોડ હોવાને કારણે આ દુર્ઘટના ઘટી હતી, જેના કારણે દૂર-દૂર સુધી વાહનચાલકો અટવાઈ ગયા હતા. ઘટનાની ગંભીરતાને ધ્યાનમાં રાખીને નવસારી ગ્રામ્ય પોલીસ તાત્કાલિક ઘટનાસ્થળે દોડી ગઈ હતી અને ભારે જહેમત બાદ ટ્રાફિકને હળવો કરી વધુ તપાસ હાથ ધરી હતી. સદનસીબે, અકસ્માત બાદ ટ્રકનો કેબિનનો કાચ અને દરવાજો તોડીને ડ્રાઇવરને હેમખેમ અને સુરક્ષિત રીતે બહાર કાઢવામાં આવ્યો હતો, જેનાથી મોટો જાનમાલ ટળી ગયો હતો.