ગોવિંદા-સુનીતાના છુટાછેડાની અફવાઓ પર બ્રેક, એક સાથે ગણેશ ચતુર્થીની કરી ઉજવણી

ગણેશ ચતુર્થીના પાવન પર્વ પર બોલીવુડ એક્ટર ગોવિંદા અને સુનીતા આહુજા ફરી એક સાથે જોવા મળ્યા છે. છુટાછેડાના સમાચાર વચ્ચે કપલે એક સાથે ગણપતિ બાપાનું સ્વાગત કર્યું હતું અને સાથે મળીને પાપારાજીને મીઠાઇ વહેંચી હતી. આટલું જ નહીં, બન્નેએ સાથે પોઝ પણ આપ્યા હતા.

ગોવિંદા-સુનીતાના છુટાછેડાના સમાચાર પર બ્રેક

તાજેતરમાં સમાચાર આવ્યા હતા કે સુનીતા આહુજાએ ગોવિંદા પર ચીટિંગનો આરોપ લગાવતા છૂટાછેડા માટે અરજી કરી હતી પરંતુ હવે ગણેશ ચતુર્થીના પ્રસંગે સુનીતા અને ગોવિંદા એક સાથે જોવા મળ્યા છે.ગોવિંદા અને સુનીતાએ એક સાથે ગણેશ ચતુર્થીની ઉજવણી કરી હતી અને બન્નેએ મળીને ગણપતિ બાપાનું સ્વાગત કર્યું હતું.

કપલે ખાસ પ્રસંગે પાપારાજીને મીઠાઇ પણ વહેંચી હતી. તસવીરોમાં બન્નેના ચહેરા પર તહેવારની ખુશી જોવા મળતી હતી.