VIDEO: દેવગઢ બારીયા નગર અને તાલુકામાં લાંબા સમયના વિરામ બાદ વરસાદ વરસતા ખેડૂતોમાં આનંદ

દેવગઢ બારીયા નગર સહિત સમગ્ર તાલુકામાં લાંબા સમયના વિરામ બાદ વરસાદ વરસતા ખેડૂતોમાં આનંદ છવાયો છે... એક મહિના કરતાં પણ વધુ સમયથી વરસાદ ન વરસવાને કારણે લોકો કાગડોળે રાહ જોઈ રહ્યા હતા અને ખેડૂતો પણ ભારે ચિંતામાં મૂકાયા હતા. આ કાળઝાળ ગરમી અને અસહ્ય ઉકળાટથી ત્રસ્ત બનેલા નાગરિકોને અચાનક વરસાદ વરસવાથી વાતાવરણમાં ઠંડક પ્રસરતા મોટો હાશકારો અનુભવાયો છે. પંથકમાં થયેલી આ મેઘ મહેરથી પાકને નવું જીવનદાન મળવાની પૂરી આશા બંધાઈ છે, જેના કારણે ધરતીપુત્રો અને ખેડૂતોમાં ચહેરા પર ખુશીનો માહોલ છવાઈ ગયો છે.