VIDEO: પશ્ચિમ બંગાળના હલિશહરમાં પોલીસ કસ્ટડી મૃત્યુ વિરુદ્ધ ગુસ્સે ભરાયેલી ભીડનો પૂર્વ મુખ્યમંત્રી પર હુમલો

પશ્ચિમ બંગાળના ઉત્તર 24 પરગના જિલ્લાના હલિશહરમાં પોલીસ કસ્ટડીમાં મૃત્યુ પામેલા એક ટીએમસી કાર્યકર્તાના પરિવારને મળવા જઈ રહેલા પૂર્વ મુખ્યમંત્રી મમતા બેનર્જીના કાફલા પર  ભીડે અચાનક હુમલો કરી દીધો હતો. ઘટનાસ્થળે ગુસ્સે ભરાયેલા પ્રદર્શનકારીઓએ તેમની ગાડીને ચારેય બાજુથી ઘેરી લીધી હતી અને ગાડી પર કીચડ, પાણીની બોટલો તેમજ પગરખાં ફેંક્યા હતા. આ દરમિયાન ભીડે મમતા બેનર્જી વિરુદ્ધ જોરદાર સૂત્રોચ્ચાર કર્યા અને તેમને ચોર જેવા અપશબ્દો પણ કહ્યા હતા. વધતા જતા વિવાદ અને તણાવપૂર્ણ સ્થિતિને ધ્યાનમાં રાખીને ઘટનાસ્થળે તાત્કાલિક પોલીસ બળ પહોંચી ગયું હતું અને ભારે સુરક્ષા વચ્ચે પૂર્વ મુખ્યમંત્રીને તે વિસ્તારમાંથી હેમખેમ બહાર કાઢવામાં આવ્યા હતા.