VIDEO: ભરૂચમાં વરસાદ રોકાતા પાલિકા તંત્ર દ્વારા સાફ-સફાઈ અને દવા છંટકાવ

ભરૂચ શહેરમાં ભારે વરસાદ બાદ મેઘરાજાએ વિરામ લેતા જ નગરપાલિકાનું તંત્ર સક્રિય બન્યું છે. રેડ એલર્ટ વચ્ચે બે દિવસ સુધી પડેલા ધોધમાર વરસાદને કારણે અનેક વિસ્તારોમાં પાણી ભરાયા હતા, જેનાથી જનજીવન અસ્તવ્યસ્ત થઈ ગયું હતું. આ પરિસ્થિતિને ધ્યાનમાં રાખીને પાલિકાએ જુદી જુદી ટીમો બનાવીને ત્વરિત કામગીરી હાથ ધરી છે. શહેરના વિવિધ વિસ્તારોમાં તાત્કાલિક અસરથી સઘન સાફ-સફાઈની સાથે રોગચાળો અટકે તે માટે દવા છંટકાવની કામગીરી યુદ્ધના ધોરણે શરૂ કરવામાં આવી છે. પાલિકાની આ સક્રિયતાથી નાગરિકોએ રાહતનો શ્વાસ લીધો છે.