VIDEO: પંજાબના મુખ્યમંત્રીના OSD વિરુદ્ધ CBI તપાસ: સુપ્રીમ કોર્ટે વચગાળાની રાહત આપવાનો કર્યો ઇનકાર
સુપ્રીમ કોર્ટે પંજાબ સરકારની તે અરજી પરની સુનાવણી શુક્રવાર સુધી મુલતવી રાખી છે, જેમા
સુપ્રીમ કોર્ટે પંજાબ સરકારની તે અરજી પરની સુનાવણી શુક્રવાર સુધી મુલતવી રાખી છે, જેમાં હાઈકોર્ટના તે આદેશને પડકારવામાં આવ્યો હતો જેમાં CBIને મુખ્યમંત્રી ભગવંત માનના OSD રાજબીર સિંહ ઘુમણ અને અન્ય સામે કથિત ભ્રષ્ટાચારના કેસની તપાસનો નિર્દેશ અપાયો હતો. જોકે, સર્વોચ્ચ અદાલતે આ સમયગાળા દરમિયાન CBI દ્વારા લેવાતી સંભવિત ત્વરિત કાર્યવાહી સામે પંજાબ સરકારને વચગાળાની રાહત આપવાનો ઇનકાર કર્યો હતો. ન્યાયાધીશ દીપાંકર દત્તાએ જણાવ્યું કે બેન્ચના અન્ય ન્યાયાધીશને કેસના કાગળોનો અભ્યાસ કરવાની તક હજુ મળી નથી. અગાઉ હાઈકોર્ટે ED દ્વારા શેર કરાયેલી સામગ્રીના આધારે CBIને ફોજદારી કેસ નોંધી તપાસ કરવાનો આદેશ આપ્યો હતો, જેના પગલે CBIએ ચંદડીગઢ સ્થિત મુખ્યમંત્રીની કેમ્પ ઓફિસ સહિત આઠ સ્થળોએ દરોડા પાડ્યા છે.
