VIDEO: અમદાવાદમાં પરિણીતા પાસે 50 લાખની માંગણી કરી રાક્ષસી અત્યાચાર આચરનાર સાસરિયા સામે ગુનો

અમદાવાદના રાણીપ વિસ્તારમાં વિદ્યાસહાયક પરિણીતા પર સાસરિયાઓએ શારીરિક અને માનસિક અત્યાચાર આચર્યાની ગંભીર ઘટના સામે આવી છે. મકાન ખરીદવા પિયરમાંથી ૫૦ લાખ રૂપિયા લાવવા બાબતે પરેશાન કરી, નાણાં લાવવાની ના પાડતાં પતિએ ઢોર માર મારી મોં પર એસિડ ફેંકવાની ધમકી આપી હતી. ૨૦૨૪માં ઘાટલોડિયાના યુવક સાથે લગ્નગ્રંથિથી જોડાયેલી પીડિતાના ફોન પર કંટ્રોલ રાખી સ્કૂલે પહોંચીને પણ પરેશાની કરવામાં આવતી હતી. એટલું જ નહીં, પતિએ પોતે આપઘાત કરી પરિવારને ફસાવી દેવાની ધમકી આપી ઘરમાંથી કાઢી મૂકી હતી. આખરે પીડિતાએ પૂર્વ મહિલા પોલીસ સ્ટેશનમાં પતિ અને સાસરિયાં વિરુદ્ધ ફરિયાદ નોંધાવતાં પોલીસે ગુનો નોંધી આગળની કાયદેસરની તપાસ હાથ ધરી છે.