VIDEO: સાગબારાના ખોપી ગામે જંગલ જમીનના ખેડાણનો મામલો, ભાજપ સાંસદનું આદિવાસી ખેડૂતોને સમર્થન

નર્મદા જિલ્લાના સાગબારા તાલુકાના ખોપી ગામે જંગલ જમીનના ખેડાણ મુદ્દે ૧૦થી ૧૨ ગામના ખેડૂતો સાથે સાંસદ મનસુખ વસાવાએ બેઠક યોજી હતી. તેમજ ખેડૂતો દ્વારા ચલાવવામા આવતી લડતને લઈને સમર્થન જાહેર કર્યું છે. બેઠકમાં તેમણે કાયદાકીય માર્ગદર્શન આપતા વન વિભાગના કર્મચારીઓ સાથે ઘર્ષણ ટાળવા અને મહાત્મા ગાંધીના અહિંસાના માર્ગે શાંતિપૂર્ણ લડત ચલાવવા અપીલ કરી હતી.

સાંસદે ખેડૂતોને કાયમી ઉકેલ ન આવે ત્યાં સુધી પડખે ઊભા રહેવાની ખાતરી આપી હતી અને જરૂર પડ્યે જેલમાં જવાની તૈયારી પણ બતાવી હતી. આ બેઠકમાં મોટી સંખ્યામાં ઉપસ્થિત ખેડૂતોએ પણ અહિંસક આંદોલન ચાલુ રાખવાનો સંકલ્પ લીધો છે.