VIDEO: VIRAL / ઊંડી ખીણ વચ્ચે માત્ર બે પાઇપના સહારે બોલેરો પિકઅપ પાર કરાઈ
Bolero pickup crossed between viral / deep valley with only two pipes | સોશિયલ મીડિયાનું તો એવું જ છે, દરરોજ એકથી એક ચડિયાતા વીડિયો સામે આવતા રહે છે. કેટલાક
સોશિયલ મીડિયાનું તો એવું જ છે, દરરોજ એકથી એક ચડિયાતા વીડિયો સામે આવતા રહે છે. કેટલાક વીડિયો જોઈને હસવું આવે છે તો કેટલાક જોઈને થોડી ક્ષણો માટે આંખો પર વિશ્વાસ જ નથી બેસતો. હાલમાં આવો જ એક વીડિયો ઈન્ટરનેટ પર વાયરલ થઈ રહ્યો છે, જેને જોઈને કોઈપણ વ્યક્તિના શ્વાસ થંભી જાય.
વીડિયોમાં એક સફેદ બોલેરો પિકઅપનો ડ્રાઈવર એવો ખતરનાક કરતબ કરતો દેખાય છે, જેને જોઈને સારા સારા લોકોના પરસેવા છૂટી જાય. લોકો બે જૂથમાં વહેંચાઈ ગયા છે. કેટલાક લોકો કમેન્ટમાં ડ્રાઈવરને 'ઉસ્તાદ' ગણાવી તેની ડ્રાઈવિંગને સલામ કરી રહ્યા છે, તો બીજું જૂથ કહી રહ્યું છે કે ભાઈ આ હુનર નથી, સીધેસીધું મોત સાથે ખેલવા જેવું છે.
આ વીડિયો કોઈ પહાડી વિસ્તારનો છે. સામેનું દ્રશ્ય જોઈને જ ડર લાગવા માંડે છે. એક કાચો-પાકો પહાડી રસ્તો, જેનો વચ્ચેનો આખો ભાગ તૂટીને ધરાશાયી થઈ ચૂક્યો છે. નીચે નજર કરો તો ઊંડી ખીણ અને તેમાં ધસમસતું વહેતું પાણી. આવી જગ્યાએથી પગપાળા નીકળવું પણ મુશ્કેલ લાગે, ત્યાં વાહન કાઢવું તો દૂરની વાત છે; પરંતુ અહીં જ સૌથી વધુ ચોંકાવનારી બાબત સામે આવે છે. રસ્તાના તૂટેલા બે ભાગોને જોડવા માટે ત્યાં કોઈએ દેશી જુગાડથી બે પાતળી લોખંડની ગોળ પાઈપો મૂકી રાખી છે. બસ, એ સમયે આ બે પાઈપો જ પુલનું કામ કરી રહી છે.
આ પાઈપો પરથી જ બોલેરો પિકઅપ ચાલક ગાડી કાઢવાની તૈયારી કરે છે. આ વીડિયો જોઈને કાળજું મોઢે આવી જાય છે. ડ્રાઈવર ભારે હિંમત દાખવીને ગાડીને ધીમે-ધીમે તે બે પાઈપો પર ચઢાવે છે. ગાડીના ચારેય પૈડાં માત્ર તે બે સાંકડી પાઈપો પર ટકેલા છે. સહેજ પણ સ્ટીયરિંગ આમ-તેમ થયું નથી કે સીધા ઊંડી ખીણમાં. સૌથી ખતરનાક વાત એ છે કે ત્યાં ભૂલ સુધારવાનો કોઈ મોકો જ નથી; બંને બાજુ મોતનો કૂવો છે.
વીડિયોમાં આસપાસ કેટલાક લોકો અને મજૂરો પણ ઊભેલા દેખાઈ રહ્યા છે, જે હાથના ઈશારાથી ડ્રાઈવરને જણાવી રહ્યા છે કે થોડું ડાબે, થોડું જમણે. ડ્રાઈવર પણ પૂરેપૂરી સમજદારી અને હોંશિયારી બતાવી રહ્યો છે. કોઈ ઉતાવળ નહીં, કોઈ ઓવર કોન્ફિડન્સ નહીં. એક-એક ઇંચ માપી-માપીને ગાડી આગળ વધારી રહ્યો છે.
જે પણ આ વીડિયો જોઈ રહ્યું છે, તેની ધડકનો તેજ થઈ જાય છે. લગભગ એક મિનિટ સુધી આંખોમાં ભય ભરી દેતો આ નજારો ચાલે છે અને આખરે, ડ્રાઈવર ગાડીને હેમખેમ સામા કાંઠે કાઢી લે છે. જેવી ગાડી બીજા છેડે પહોંચે છે, જોનારાઓના જીવમાં જીવ આવે છે.
