VIDEO: વડાલીમાં બ્રોડગેજ રેલવે લાઈન છતાં ટ્રેન ન મળતા રોષ

સાબરકાંઠાના વડાલીમાં બ્રોડગેજ રેલવે લાઈન અને અદ્યતન સ્ટેશન પાછળ કરોડો રૂપિયાનો ધુમાડો કરવા છતાં ટ્રેનનું સ્ટોપેજ ન અપાતાં સ્થાનિકોમાં ભારે રોષ વ્યાપ્યો છે. અસરાવા-ખેડબ્રહ્મા રૂ트 શરૂ થયાના મહિનાઓ પછી પણ ટ્રેન ન રોકાતાં કરોડોના ખર્ચે બનેલું આ સ્ટેશન શોભાના ગાંઠિયા સમાન બન્યું છે, જ્યાં હાલ સિક્યોરિટીના અભાવે અસામાજિક તત્વોનો જમાવડો જોવા મળે છે. વડાલી શાકભાજીનું મોટું હબ હોવાથી વેપારીઓને માલસામાનના વહન માટે અને 50થી વધુ ગામડાના વિદ્યાર્થીઓને સસ્તા પ્રવાસ માટે ટ્રેન ખૂબ જરૂરી છે. સ્થાનિકો, વિદ્યાર્થીઓ અને વેપારીઓ દ્વારા તંત્ર તથા નેતાઓને વારંવાર રજૂઆતો કરવા છતાં પરિણામ શૂન્ય આવ્યું છે, જેથી વડાલી સ્ટેશને તાત્કાલિક ટ્રેનનું સ્ટોપેજ શરૂ કરવાની ઉગ્ર માંગ ઉઠી છે.