VIDEO: હળવદ નજીક ખાનગી સ્કૂલ બસનો અકસ્માત સર્જાતા વાલીઓમાં ભારે રોષ ફેલાયો

હળવદના મિયાણી નજીક ૩૦ થી વધુ વિદ્યાર્થીઓને ભરીને જઈ રહેલી મંગલમ વિદ્યાલયની ખાનગી સ્કૂલ બસ અચાનક રોડ પરથી નીચે ઉતરી જતાં ગંભીર અકસ્માત સર્જાયો હતો. આ બસ મિયાણી, ટીકર, અજીત ગઢ અને નવા ઘાટીલા ગામના વિદ્યાર્થીઓને શાળાએ લઈ જઈ રહી હતી. સદનસીબે આ અકસ્માતમાં કોઈ જાનહાનિ થઈ ન હતી અને તમામ વિદ્યાર્થીઓ સુરક્ષિત રહ્યા હતા, પરંતુ ઘટનાની જાણ થતાં જ ડેલાયેલા વાલીઓ તાત્કાલિક ઘટનાસ્થળે દોડી આવ્યા હતા અને સ્કૂલ સંચાલકોની બેદરકારી સામે  આક્રોશ વ્યક્ત કર્યો હતો. વાલીઓએ વિદ્યાર્થીઓની સલામતી માટે તંત્ર દ્વારા કડક પગલાં લેવાની માંગ કરી છે.