દક્ષિણ અમેરિકા અને એન્ટાર્કટિકા વચ્ચે ડ્રેક પેસેજમાં 7.8 તીવ્રતાનો શક્તિશાળી ભૂકંપ, સુનામીની અપાઈ ચેતવણી

દક્ષિણ અમેરિકાના દક્ષિણી છેડા અને એન્ટાર્કટિકા વચ્ચેના જળ વિસ્તાર ડ્રેક પેસેજ (Drake Passage) માં શુક્રવારે રિક્ટર સ્કેલ પર 7.8ની તીવ્રતાનો શક્તિશાળી ભૂકંપ આવ્યો હતો. આ ભૂકંપના પગલે, કટોકટી અધિકારીઓએ તાત્કાલિક સુનામીની ચેતવણી જારી કરી હતી.

આ પણ વાંચો :

America: 8.0ની તીવ્રતાથી ધ્રુજી ધરતી, સુનામીનું એલર્ટ જાહેર

America: ન્યૂ યોર્કના લાગાર્ડિયા એરપોર્ટ પર બે વિમાનો સામસામે અથડાયા

ભૂકંપનું કેન્દ્ર 10 કિ.મી. ઊંડે

યુનાઇટેડ સ્ટેટ્સ જિયોલોજિકલ સર્વે (USGS) અનુસાર ભૂકંપનું કેન્દ્રબિંદુ જમીનથી લગભગ 10 કિલોમીટરની છીછરી ઊંડાઈએ હતું. તેની તીવ્રતા 7.8 મેગ્નિટ્યુડ નોંધાઇ હતી. આ ભૂકંપ દક્ષિણ અમેરિકા અને એન્ટાર્કટિકાની વચ્ચે ડ્રેક પેસેજમાં નોંધાયો હતો. શુક્રવારે સાંજે લગભગ 5:30 વાગ્યા પહેલાના સમયે આ ભૂકંપનો આંચકો અનુભવાયો હતો. 

સુનામીની ચેતવણી જાહેર કર્યા બાદ પાછી ખેંચાઈ 

ચિલીની SHOA મરીન ઓથોરિટી અને પેસિફિક સુનામી વોર્નિંગ સેન્ટરે શરૂઆતમાં દેશના એન્ટાર્કટિક પ્રદેશ માટે સાવચેતીના ભાગરૂપે સુનામીનું એલર્ટ જાહેર કર્યું હતું અને સત્તાવાળાઓએ લોકોને દરિયાકિનારા ખાલી કરવા જણાવ્યું હતું. જોકે, લગભગ એક કલાક પછી, બંને સંસ્થાઓએ સુનામીની ચેતવણી પાછી ખેંચી લીધી હતી. ડ્રેક પેસેજના ઊંડા પાણી અને જોરદાર પવનોવાળા દરિયાને કારણે સુનામીના મોજા જમીન પર અથડાય તે પહેલાં તીવ્ર બને તેવી શક્યતા ઓછી હતી.