ન્યૂયોર્કનું એમ્પાયર સ્ટેટ બિલ્ડિંગ ત્રિરંગાથી ઝળહળ્યું, FIA દ્વારા ભારત-અમેરિકાના સંબંધોની ઉજવણી
છેલ્લું અપડેટ : 17 Aug 2026
ન્યૂયોર્ક, અમેરિકા: ભારતના 80મા સ્વતંત્રતા દિવસ (Independence Day)ની ઉજવણીનો રંગ હવે અમેરિકામાં પણ જોવા મળ્યો. ન્યૂયોર્કના પ્રખ્યાત Empire State Buildingને કેસરિયા, સફેદ અને લીલા રંગોથી રોશન કરવામાં આવ્યું હતું. આ ખાસ કાર્યક્રમનું આયોજન Federation of Indian Associations (FIA) દ્વારા કરવામાં આવ્યું હતું.
14 ઓગસ્ટે યોજાયેલા આ ભવ્ય Lighting Ceremony દરમિયાન ન્યૂયોર્કની આ ઐતિહાસિક ઇમારત ભારતીય તિરંગાના રંગોમાં ઝળહળી ઊઠી હતી. આ પ્રસંગે ભારતની સ્વતંત્રતાના 80 વર્ષ સાથે અમેરિકાની 250મી વર્ષગાંઠની પણ ઉજવણી કરવામાં આવી હતી.
‘Harmony in Heritage’ રહી કાર્યક્રમની થીમ
FIA દ્વારા આયોજિત આ વર્ષે 44મા Annual India Dayની થીમ ‘Harmony in Heritage’ રાખવામાં આવી હતી. કાર્યક્રમનો મુખ્ય ઉદ્દેશ ભારતીય સંસ્કૃતિ અને વારસાની ઉજવણી કરવાની સાથે ભારત અને અમેરિકા વચ્ચેના મજબૂત સંબંધોને ઉજાગર કરવાનો હતો.
કાર્યક્રમની શરૂઆત Kalashri School of Artsના સાંસ્કૃતિક નૃત્ય પ્રદર્શનથી થઈ હતી. આ નૃત્યનું કોરિયોગ્રાફી (Choreography) બીના મેનને કર્યું હતું. FIAના Joint Secretary સૃજલ પરીખે કાર્યક્રમનું સંચાલન કર્યું હતું.
ભારતના 80 વર્ષ અને અમેરિકાના 250 વર્ષનો અનોખો સંગમ
FIAના ચેરમેન અંકુર વૈદ્યએ આ પ્રસંગને બંને દેશો માટે ખાસ ગણાવ્યો હતો. તેમણે ભારતની 80મી સ્વતંત્રતા વર્ષગાંઠ અને અમેરિકાની 250મી વર્ષગાંઠ એકસાથે ઉજવવાની ખુશી વ્યક્ત કરી હતી.
તેમણે ભારતીય-અમેરિકન સમુદાયની ભૂમિકા અને બંને દેશોની લોકશાહી પરંપરાઓના મહત્વ પર પણ પ્રકાશ પાડ્યો હતો.
મેયર સેમ જોશીએ પણ લીધો ભાગ
એડિસનના મેયર Sam Joshi પણ FIAના આમંત્રણ પર આ કાર્યક્રમમાં હાજર રહ્યા હતા. તેમણે અમેરિકાના Tri-State Areaમાં ભારતીય-અમેરિકન સમુદાયના યોગદાનની પ્રશંસા કરી હતી.
તેમણે જણાવ્યું કે ભારતીય સમુદાયે Healthcare, Business, Technology અને Entertainment સહિત અનેક ક્ષેત્રોમાં મહત્વપૂર્ણ યોગદાન આપ્યું છે.
‘તારક મહેતા કા ઉલ્ટા ચશ્મા’ની ટીમ પણ બની ખાસ મહેમાન
આ કાર્યક્રમમાં ભારતની લોકપ્રિય ટીવી સીરિયલ ‘તારક મહેતા કા ઉલ્ટા ચશ્મા’ (TMKOC)ની ટીમે પણ હાજરી આપી હતી.
આ પ્રસંગે દિલીપ જોશી, મુનમુન દત્તા, મંદાર ચંદવાડકર, સોનાલિકા જોશી, બલવિંદર સિંહ અને નિતેશ ભાલુની સહિતના કલાકારો હાજર રહ્યા હતા.
Seshને Empire State Buildingને ભારતીય તિરંગાના રંગોમાં રોશન કરવાની Ceremonial Lever ખેંચવાનું સન્માન મળ્યું હતું. આ સાથે સમગ્ર ઇમારત કેસરિયા, સફેદ અને લીલા રંગોથી ઝળહળી ઊઠી હતી.
હજારો લોકો સુધી પહોંચ્યો તિરંગાનો નજારો
Empire State Building પર થયેલી આ ખાસ Lighting Ceremonyને જોવા માટે મોટી સંખ્યામાં લોકો એકત્ર થયા હતા. કાર્યક્રમનું FIAના Digital Platforms દ્વારા Live Streaming પણ કરવામાં આવ્યું હતું, જેને વિશ્વભરમાં લાખો લોકોએ નિહાળ્યું હતું.
લાઇટિંગ બાદ મહેમાનોને Empire State Buildingના પ્રતિનિધિઓ દ્વારા સ્મૃતિચિહ્નો આપવામાં આવ્યા હતા. ત્યારબાદ મહેમાનોએ બિલ્ડિંગની Grand Staircase પર ફોટોગ્રાફ્સ પણ પડાવ્યા હતા અને Observation Decks પર ઉજવણી આગળ વધારી હતી.
ભારત-અમેરિકા સંબંધોનો સંદેશ
આ સમગ્ર કાર્યક્રમ માત્ર ભારતીય સ્વતંત્રતા દિવસની ઉજવણી પૂરતો સીમિત રહ્યો નહોતો. Empire State Building પર તિરંગાના રંગોનું રોશન થવું અમેરિકામાં ભારતીય સંસ્કૃતિ અને ભારતીય-અમેરિકન સમુદાયની વધતી ઓળખનું પણ પ્રતિક બન્યું હતું.
FIA અમેરિકામાં ભારતીય સંસ્કૃતિ અને વારસાને પ્રોત્સાહન આપતી Nonprofit Organization છે. સંસ્થા સાંસ્કૃતિક, શૈક્ષણિક અને નાગરિક કાર્યક્રમો દ્વારા ભારતીય-અમેરિકન સમુદાય તથા અમેરિકન સમાજ વચ્ચેના સંબંધોને વધુ મજબૂત બનાવવાનું કામ કરે છે.
