જાપાનમાં 7.1 ની તીવ્રતાના ભૂકંપ બાદ સુનામીનું સંકટ, ઇમરજન્સી એલર્ટ જાહેર
છેલ્લું અપડેટ : 28 Jul 2026
જાપાનના દક્ષિણી મુખ્ય ટાપુ ક્યુશુના કુમામોટો પ્રીફેક્ચરમાં 7.1 ની તીવ્રતાનો શક્તિશાળી ભૂકંપ આવ્યો છે. જાપાન મેટિયોરોલોજિકલ એજન્સી (JMA) ના જણાવ્યા અનુસાર, આ ભૂકંપનું કેન્દ્ર સમુદ્ર સપાટીથી 10 કિલોમીટરની ઊંડાઈએ હતું. ભૂકંપ બાદ અધિકારીઓએ સુનામીની ચેતવણી જારી કરી છે. જેમાં 1 મીટર (3.28 ફૂટ) સુધીની ઊંચી લહેરો આવવાની સંભાવના વ્યક્ત કરવામાં આવી છે.
લોકોને નિયમોનું પાલન કરવા અપીલ
દરિયાકાંઠાના વિસ્તારોમાં રહેતા લોકોને તાત્કાલિક ઊંચાણવાળા વિસ્તારોમાં ખસી જવા અને સત્તાવાર બચાવ સૂચનાઓનું પાલન કરવા તાકીદ કરવામાં આવી છે. બ્રોડકાસ્ટર NHK ના અહેવાલ મુજબ, આ સ્તર સુધીની લહેરો પહેલેથી જ નોંધાઈ ચૂકી હોઈ શકે છે. જાપાન સરકારે ક્યુશુ આઈલેન્ડના કુમામોટો, નાગાસાગી, કાગોશિમા, ફુકુઓકા, સાગા, ઓઇતા અને મિયાઝાકી પ્રીફેક્ચર્સ માટે કટોકટી ભૂકંપ ચેતવણીઓ જારી કરી છે.
એક અઠવાડિયામાં બીજો ભૂકંપ
નોંધનીય છે કે એક અઠવાડિયામાં આ પ્રકારનો આ બીજો ભૂકંપ છે. અગાઉ 25 જૂનના રોજ ઉત્તરી જાપાનમાં 7.2 તીવ્રતાનો ભૂકંપ આવ્યો હતો. જો કે તેમાં કોઈ જાનહાનિ કે મોટું નુકસાન થયું નહોતું. જાપાન દુનિયાના સૌથી વધુ ભૂકંપ સંભવિત દેશોમાં સામેલ છે, જે પેસિફિક "રિંગ ઓફ ફાયર" ની પશ્ચિમી ધાર પર ચાર મુખ્ય ટેકનિકલ પ્લેટ્સ પર વસેલો છે. આ ટાપુ સમૂહમાં દર વર્ષે સેંકડો આંચકા અનુભવાય છે અને વિશ્વના કુલ ભૂકંપોમાંથી લગભગ 18 ટકા જાપાનમાં નોંધાય છે.
2011 માં 9.0 તીવ્રતાનો સમુદ્રી ભૂકંપ
જાપાન 2011ના વિનાશક 9.0 તીવ્રતાના સમુદ્રી ભૂકંપ અને સુનામીની વિભીષિકાને આજે પણ યાદ કરે છે. જેમાં આશરે 18,500 લોકોના મોત થયા હતા અથવા લાપતા થયા હતા અને ફુકુશુમા ન્યુક્લિયર પ્લાન્ટને ભારે નુકસાન થયું હતું. તાજેતરમાં 20 એપ્રિલે પણ ઉત્તર જાપાનમાં 7.7 તીવ્રતાનો આંચકો અનુભવાયો હતો. જેના કારણે ટોક્યોની મોટી ઇમારતો પણ ધ્રૂજી ઉઠી હતી અને 10 લોકો ઘાયલ થયા હતા.
