Video: યુરોપના ચાર દેશોમાં સાયબર હુમલાનો એક અનોખો અને ચોંકાવનારો કિસ્સો

સાયબર હુમલાખોરોએ સુપરમાર્કેટના રેફ્રિજરેશન સિસ્ટમને નિશાન બનાવીને બેલ્જિયમ, એસ્ટોનિયા, સ્વીડન અને આયર્લેન્ડના સ્ટોરોને પ્રભાવિત કર્યા છે. રવિવાર અને સોમવારની રાત્રિ દરમિયાન થયેલા આ હુમલામાં ફ્રિજ અને ફ્રીઝરનું તાપમાન રિમોટલી વધારી દેવામાં આવ્યું હતું, જેના કારણે રિટેલર્સે મોટો જથ્થો ફેંકી દેવો પડ્યો છે. આ ઘટનાથી બેલ્જિયમની ડેલ્હેજ અને કેરેફૌર, સ્વીડનની આઈસીએ અને કૂપ તથા આયર્લેન્ડની સુપરવૅલ્યૂ જેવી મોટી સુપરમાર્કેટ ચેઈન પ્રભાવિત થઈ છે. બેલ્જિયમમાં કેટલીક યુનિટ્સનું તાપમાન 70 ડિગ્રી સેલ્સિયસ સુધી પહોંચી ગયું હતું. માત્ર ડેલ્હેજની એક જ શાખામાં અંદાજે એક લાખ યુરોનું અન્ન બગડ્યું હતું. જોકે હજુ સુધી કોઈ સત્તાવાર આંકડો બહાર આવ્યો નથી, પરંતુ સમગ્ર ઘટનામાં કુલ નુકસાન લાખો યુરો સુધી પહોંચવાનો અંદાજ છે.