VIDEO : દિલ્હીને મળ્યું પ્રથમ ઓનલાઈન વોટર એનાલાઈઝર!
છેલ્લું અપડેટ : 15 Jun 2026
દિલ્હીના ગુલમોહર પાર્કમાં પ્રથમ ઓનલાઈન વોટર એનાલાઈઝર સિસ્ટમ શરૂ કરાઈ છે. માલવીયા નગરના ધારાસભ્ય સતીશ ઉપાધ્યાય અને RWA પ્રમુખ અતુલ બાલની હાજરીમાં આ પ્રોજેક્ટ ખુલ્લો મુકાતા હવે સ્થાનિકોને ઓનલાઈન માધ્યમથી પીવાના પાણીની શુદ્ધતાની સચોટ માહિતી ઘરબેઠા મળશે..
દેશના પાટનગર દિલ્હીના માલવીયા નગર વિધાનસભા વિસ્તાર હેઠળ આવતા ગુલમોહર પાર્ક સોસાયટીમાંથી સ્થાનિક રહેવાસીઓ માટે સુવિધાજનક અને રાહતના સમાચાર સામે આવ્યા છે. ગુલમોહર પાર્ક વિસ્તારમાં દિલ્હીના સૌપ્રથમ અત્યાધુનિક ઓનલાઈન વોટર એનાલાઈઝર સિસ્ટમનું સફળતાપૂર્વક લોન્ચિંગ કરવામાં આવ્યું છે. આ અદ્યતન ટેકનોલોજી આધારિત પ્રોજેક્ટના ઉદ્ઘાટન પ્રસંગના ખાસ દ્રશ્યો પણ સામે આવ્યા છે. આ નવીન સિસ્ટમ કાર્યરત થવાથી હવે વિસ્તારના નાગરિકોને ઘરોમાં સપ્લાય થતા પીવાના પાણીની ગુણવત્તા અને શુદ્ધતાની રીઅલ-ટાઇમ એટલે કે ત્વરિત વિગતો ઓનલાઈન માધ્યમથી સરળતાથી મળી શકશે, જે આરોગ્યની દ્રષ્ટિએ ખૂબ જ મહત્વપૂર્ણ પગલું છે.
આ ભવ્ય ઉદ્ઘાટન સમારોહ દરમિયાન માલવીયા નગરના લોકપ્રિય ધારાસભ્ય સતીશ ઉપાધ્યાય અને ગુલમોહર પાર્કના આરડબલ્યુએ પ્રમુખ તેમજ સ્થાનિક અગ્રણી રહેવાસી અતુલ બાલ ખાસ ઉપસ્થિત રહ્યા હતા. ધારાસભ્ય સતીશ ઉપાધ્યાયે મીડિયા સમક્ષ જણાવ્યું હતું કે જનતાને શુદ્ધ અને પ્રદૂષણમુક્ત પીવાનું પાણી પૂરું પાડવું એ સરકારની પ્રાથમિકતા છે અને આ મશીન તે દિશામાં એક ક્રાંતિકારી રોલ મોડેલ સાબિત થશે. બીજી તરફ, RWA પ્રમુખ અતુલ બાલે તંત્ર અને ધારાસભ્યનો આભાર વ્યક્ત કરતા કહ્યું હતું કે, આ સુવિધાથી સોસાયટીના સેંકડો પરિવારોને દૂષિત પાણીની સમસ્યાથી કાયમી મુક્તિ મળશે અને લોકોના સ્વાસ્થ્યમાં સુધારો થશે..
