VIDEO: કેદારનાથ મંદિર પરિસરમાં મોબાઇલ ફોનના ઉપયોગ પર સંપૂર્ણપણે પ્રતિબંધ
છેલ્લું અપડેટ : 21 Apr 2026
વિશ્વપ્રસિદ્ધ કેદારનાથ મંદિર પરિસરમાં મોબાઇલ ફોનનો ઉપયોગ સંપૂર્ણપણે પ્રતિબંધિત કરવામાં આવ્યો છે. મંદિર સમિતિના સભ્ય વિનીત પોસ્તીએ જણાવ્યું કે, મંદિરની પવિત્રતા અને ભક્તોની સુવિધાને ધ્યાનમાં રાખીને આ નિર્ણય લેવામાં આવ્યો છે.
કેદારનાથ મંદિર સમિતિના સભ્ય પોસ્તીએ સ્પષ્ટ કર્યું કે મંદિર પરિસરમાં મોબાઇલ ફોન લઈ જવાફોટા પાડવા, વીડિયો બનાવવા કે રીલ્સ બનાવવા પર સખત પ્રતિબંધ છે. આ નિયમોનું ઉલ્લંઘન કરનાર કોઈપણ ભક્ત વિરુદ્ધ કાનૂની કાર્યવાહી કરવામાં આવશે. મંદિર સમિતિએ તમામ ભક્તોને માર્ગદર્શિકાનું પાલન કરીને ધાર્મિક શિષ્ટાચાર જાળવવા અપીલ કરી છે. જેથી દર્શનનો અનુભવ શાંતિપૂર્ણ અને આધ્યાત્મિક રીતે સમૃદ્ધ બને.
કેદારનાથ યાત્રાને લઈને રુદ્રપ્રયાગ પોલીસ વહીવટીતંત્રે વ્યાપક ટ્રાફિક વ્યવસ્થાપન યોજના તૈયાર કરી છે. યાત્રા દરમિયાન ભક્તોની સરળ અને સલામત અવરજવર સુનિશ્ચિત કરવા માટે ટ્રાફિક પ્રવાહનું નિયમન અને ભીડ અટકાવવા પર વિશેષ ધ્યાન આપવામાં આવશે. રુદ્રપ્રયાગના પોલીસ અધિક્ષક નિહારિકા તોમરે જણાવ્યું કે, જિલ્લાને 2 સુપર ઝોન અને 11 સેક્ટરમાં વિભાજિત કરવામાં આવ્યો છે. 13 મોબાઇલ ફોર્સ ટીમો તૈનાત કરવામાં આવી છે. ભીડ વધે તો ડાયવર્ઝન યોજના અમલમાં મૂકવામાં આવશે. રાષ્ટ્રીય ધોરીમાર્ગો અને કનેક્ટિંગ રોડ પર પાર્કિંગ વ્યવસ્થા સહિત પૂરતા પોલીસ કર્મચારીઓ તૈનાત રહેશે. આ તમામ વ્યવસ્થાઓનો હેતુ યાત્રાળુઓને સલામતસુગમ અને સુવ્યવસ્થિત અનુભવ આપવાનો છે.
