VIDEO: ખરો ‘ખતરોં કા ખિલાડી’ તો આ નીકળ્યો! સેફ્ટી વગર જીવના જોખમે કર્યું એવું કામ કે...
છેલ્લું અપડેટ : 22 Jul 2026
સોશિયલ મીડિયામાં દરરોજ અસંખ્ય વિડિયો પોસ્ટ થાય છે, જે તમે પણ જોતા જ હશો. ઘણીવાર સોશિયલ મીડિયા પર કેટલાક એવા વિડિયો વાયરલ થઈ જાય છે જેને જોયા પછી માણસને પોતાની આંખો પર વિશ્વાસ જ નથી થતો અને માણસ વિચારે છે કે આ લોકોને ડર નથી લાગતો કે શું? અત્યારે જે વિડિયો વાયરલ થઈ રહ્યો છે, તે કંઈક એવો જ છે. તમે જ્યારે આ વિડિયો જોશો તો હેરાન રહી જશો.
વાયરલ વિડિયોમાં શું જોવા મળ્યું?
અત્યારે જે વિડિયો વાયરલ થઈ રહ્યો છે તેમાં એક છોકરો ફ્લોર (જમીન) પર બેઠેલો જોવા મળે છે અને તેણે પોતાના બંને પગ વડે એક સીડીને રોકી રાખી છે. જ્યારે કેમેરો ફરે છે ત્યારે હેરાન કરી દે તેવું દ્રશ્ય દેખાય છે. વાસ્તવમાં તેણે જે સીડીને રોકી રાખી છે, તેના પર એક શખ્સ ચઢેલો છે અને લાઈટ લગાવી રહ્યો છે. આ દરમિયાન કોઈ પણ સુરક્ષા (સેફ્ટી) નથી. મતલબ કે જો તે સીડી લપસી તો તે માણસ સીધો નીચે પડશે અને તેને ગંભીર ઈજા થશે અથવા તેનાથી પણ કંઈક ખરાબ થઈ શકે છે. પરંતુ કામના ચક્કરમાં આ માણસ આ પ્રકારનું જોખમ ઉઠાવી રહ્યો છે જે ન કરવું જોઈએ. આ વાયરલ વિડિયો ક્યારનો અને ક્યાંનો છે તે તો ખબર નથી, પરંતુ હાલમાં ખૂબ વાયરલ થઈ રહ્યો છે.
