Champions Trophy 2025 / વિરાટ કોહલી ફાઈનલમાં રમશે કે નહીં? જાણો ઈજા અંગે શું છે અપડેટ

ચેમ્પિયન્સ ટ્રોફી 2025ની ફાઈનલ પહેલા ટીમ ઈન્ડિયાએ દુબઈમાં ખૂબ મહેનત કરી રહી છે. રવિવારે ભારતનો મુકાબલો ન્યુઝીલેન્ડ સામે થશે. એક રિપોર્ટ અનુસાર, આ મેચ પહેલા વિરાટ કોહલી ઘાયલ થયો હતો. કોહલીને પ્રેક્ટિસ દરમિયાન ઘૂંટણમાં ઈજા થઈ હતી. આ બાબતે હવે અપડેટ આવ્યું છે. કોહલી અત્યાર સુધી ટીમ ઈન્ડિયા માટે મહત્ત્વપૂર્ણ સાબિત થયો છે. તેણે સેમીફાઈનલમાં ઓસ્ટ્રેલિયા સામે શાનદાર ઇનિંગ રમી હતી.

કોહલી ટીમ ઈન્ડિયા સાથે પ્રેક્ટિસ કરી રહ્યો હતો. એક અહેવાલ મુજબ, કોહલીને પ્રેક્ટિસ દરમિયાન ઈજા થઈ હતી. બોલ તેના ઘૂંટણ પર વાગ્યો હતો. તે એક ફાસ્ટ બોલર સામે પ્રેક્ટિસ કરી રહ્યો હતો. ઈજાગ્રસ્ત થયા બાદ કોહલી પ્રેક્ટિસ સેશન છોડીને ચાલ્યો ગયો હતો. રિપોર્ટ અનુસાર, ટીમ ઈન્ડિયાના સપોર્ટ સ્ટાફે કહ્યું કે કોહલીની ઈજા બહુ ગંભીર નથી. આ કારણે કોઈપણ પ્રકારની સમસ્યા નથી.

કોહલી ન્યુઝીલેન્ડ સામેની ફાઈનલમાં રમશે કે નહીં?

વિરાટ કોહલીની ઈજા બહુ ગંભીર નથી. આ કારણે, તે ચેમ્પિયન્સ ટ્રોફી 2025ની ફાઈનલ મેચમાં ન્યુઝીલેન્ડ સામે રમી શકે છે. જોકે, આ મામલે હજુ સુધી BCCI તરફથી કોઈ પ્રતિક્રિયા નથી મળી. ટીમ ઈન્ડિયા માટે સૌથી વધુ રન બનાવવાના મામલે કોહલી હાલમાં ટોચ પર છે. તેણે એક સદી અને એક અડધી સદી ફટકારી છે. આવી સ્થિતિમાં, કોહલી માટે ફાઈનલમાં રમવું ખૂબ જ મહત્ત્વપૂર્ણ રહેશે.